امیر جماعت اسلامی کراچی حافظ نعیم الرحمٰن نے کہا ہے کہ آئین کے آرٹیکل 140 اے کے مطابق مہیں ہمارا حق نہیں دیا جا رہا ہے۔

تفصیلات کے مطابق امیر جماعت اسلامی کراچی حافظ نعیم الرحمٰن نے دھرنے کے شرکاء سے خطاب کرتے ہوئے کہا کہ کارکنان و شرکاء خراج تحسین کے مستحق ہیں جنہوں نے چھوٹے نوٹس پر اتنی بڑی تعداد میں جمع ہیں۔

انہوں نے کہا کہ آئین کے آرٹیکل 140 اے کے مطابق مہیں ہمارا حق نہیں دیا جا رہا ہے۔

ان کا کہنا تھا کہ کراچی شہر کھنڈر بنا ہوا ہے، سندھ حکومت کراچی پر اپنا قبضہ جمانا چاہتی ہے جبکہ پیپلز پارٹی ایک مرتبہ پھر کراچی میں ایم کیو ایم کے ذریعے سوداگری کررہی ہے اور مذاکرات کے نام پر کاروائی جارہی ہے، یہ کاروائی نہیں نورا کشتی ہے، یہ دونوں پارٹیاں ایک ہیں صرف بظاہر اختلافات کرتے نظر آرہے ہیں۔

یہ بھی پڑھیں؛ جماعت اسلامی واحد جماعت ہے جو شہر کی از سر نو تعمیر کرسکتی ہے ، حافظ نعیم الرحمٰن

حافظ نعیم الرحمٰن نے کہا کہ مردم شماری میں کراچی کی آبادی کو آدھا گنا گیا جبکہ 2018 میں پی ٹی آئی اور ایم کی ایم نے مل کر جعلی مردم شماری کو نوٹیفائی کیا۔

انہوں نے کہا کہ پی ٹی آئی کے 14 ایم این اے کراچی کے حقوق کی بات نہیں کرتے ہیں جبکہ کراچی کی گنتی آدھی کرنے سے کراچی وسائل پر ڈاکا مارا گیا ہے، وڈیرہ شاہی مائنڈ سیٹ نے پورے سندھ پر قبضہ کیا ہوا ہے اور اب یہ کراچی پر بھی اپنا تسلط قائم کرنا چاہتے ہیں۔

ان کا کہنا تھا کہ ایم کیو ایم حلقہ بندیوں اور مردم شماری کا بہانہ بنا کر بلدیاتی انتخابات ملتوی کروانا چاہتی ہے جبکہ اگر ایم کیو ایم 35 سال قبل ذاتی مفادات کو چھوڑ کر حلقہ بندیوں کی درستگی اور درست مردم شماری کی بات کرتے تو مسئلہ حل ہوسکتا تھا۔

یہ بھی پڑھیں؛ جماعت اسلامی کراچی کے نوجوانوں کے لیے جدوجہد کررہی ہے، حافظ نعیم الرحمٰن

حافظ نعیم الرحمٰن نے کہا کہ ایم کیو ایم نے کراچی کے اداروں کو سندھ حکومت کی جھولی میں ڈال دیے اور معاوضے میں وزارتیں حاصل کرتے رہے جبکہ ایم کیو ایم الیکشن کمیشن میں بھی حلقہ بندیوں اور بغیر اختیارات کے بلدیاتی حکومت کی بات کررہے ہیں۔

انہوں نے کہا کہ ذوالفقار علی بھٹو کے دور میں بھی اختیارات کو نچلی سطح پر منتقل کیے گئے تھے اور 1973 میں 140اے کا آئین بنا تھا جبکہ 50 سال گزرنے کے باوجود بھی قانون پر عمل نہیں ہوسکا۔

ان کا کہنا تھا کہ ایم کیو ایم کبھی بھی شہر کے اختیارات کے لیے نہیں روٹھی بلکہ ہمیشہ وزارتوں کے حصول کے لیے ناراض ہوتے رہے ہیں جبکہ اب ایم کیو ایم بھی اپنے منطقی انجام کو پہنچ رہی ہے اور اب پیپلز پارٹی پارٹیوں کو ملا کر پھر سے کراچی کو تباہ کرنا چاہتے ہیں۔

امیر جماعت اسلامی کراچی حافظ نعیم الرحمٰن نے مزید کہا کہ کراچی کے عوام بیدار ہوچکے ہیں اب وہ ان دونوں پارٹیوں (ایم کیو ایم اور پیپلز پارٹی) کو مسترد کر چکے ہیں۔