قائد حزب اختلاف سندھ اسمبلی حلیم عادل شیخ نے کہا ہے کہ کراچی میں گھناؤنی سازش کی تیاری ہورہی ہے، ایم کیو ایم اور پیپلز پارٹی ملکر لسانیت کی کوشش کررہے ہیں، یہ دوبارہ گینگ وار کا دور شروع کرنے جارہے ہیں۔

اپوزیشن لیڈر سندھ اسمبلی حلیم عادل شیخ نے سندھ ہائی کورٹ میں وکلاء کے ہمراہ میڈیا سے گفتگو کرتے ہوئے کہا کہ افسوس کیساتھ کہنا پڑتا ہے ملک میں لاقانونیت ہے، ملک میں قانون کی کوئی حکمرانی نہیں۔

خارجہ پالیسی ناکام ہوچکی ہے

انہوں نے کہا کہ میرپورخاص میں ایک مزدور آٹے کے پیچھے روند کر مرگیا، سفید پوش لوگ آٹے کی لائینوں میں کھڑے ہیں، میں عدلیہ سے کہتا ہوں صورتحال پر نوٹس لیں۔

حلیم عادل شیخ نے کہا کہ جب ہرسنگھ کولہی آٹے کی وجہ سے مررہا تھا، آج نان کی قیمت 30 روپے سے زائد ہے، اس وقت وزیرخوراک مکیش چاولا اور شرجیل میمن خصوصی طیارے میں تھر جیپ ریلی دیکھنے پہنچے، اتنی مہنگائی میں انہیں آج شرم نہیں آتی۔

انکا کہنا ہے کہ ہمارے زرمبادلہ ذخائر ختم ہوچکے ہیں، 6 ارب ڈالر پرائیویٹ لوگوں کے حکومت نے اپنے اکاؤنٹس میں ڈال دیے ہیں، خارجہ پالیسی ناکام ہوچکی ہے۔

اپوزیشن لیڈر نے کہا کہ آج حامد میر کا لکھا ہوا آرٹیکل پڑھا جائے، حامد میر کہہ رہا ہے مودی نواز شریف کے پاس آرہا تھا۔

سیاسی طور پر اتحاد کیے جائیں کروائے نہ جائیں

حلیم عادل شیخ نے کہا کہ پی ڈی ایم کو بنانے والوں نے ملج کو تباہ کردیا ہے، سیاسی طور پر اتحاد کیے جائیں کروائے نہ جائیں۔

قائد حزب اختلاف سندھ اسمبلی نے مزید کہا کہ نیب کا قانون ہی نیب زدگان تبدیل کررہے ہیں، نیب کا ادارہ اب اینٹی کرپشن جیسا بن چکا ہے۔