اپوزیشن لیڈر سندھ اسمبلی حلیم عادل شیخ نے کہا ہے کہ پی ڈی ایم کی 13 جماعتیں ہوں یا ایم کیو ایم کے 3 دھڑے، جمع ہوکر بھی نہیں جیت سکتے۔
قائد حزب اختلاف سندھ حلیم عادل شیخ نے سندھ ہائیکورٹ کے باہر میڈیا سے گفتگو کرتے ہوئے کہا کہ اللہ کرے نیا سال جانے والے سال کی طرح نہ ہو۔ اسکول کی طرح روزانہ عدالتوں میں آنا پڑتا ہے، عوامی خدمت سے روکنے کیلئے متعدد جھوٹے مقدمات درج کیے جاتے ہیں۔
انہوں نے کہا کہ سیلاب زدگان سے ملنے جاؤ تو انکوائری یا مقدمہ، نقل و حرکت مشکل بنادی ہے، پٹیشن کے باوجود دو محکموں نے ابھی تک انکوائریوں اور مقدمات کی تفصیلات فراہم نہیں کیں، اسی لیے متفرق درخواست دائر کی ہے کہ تفصیلات بتائی جائیں تاکہ قانونی ریلیف لیا جاسکے۔
اپوزیشن لیڈر ہوں، سیکیورٹی میرا حق ہے
حلیم عادل شیخ نے کہا کہ اپوزیشن لیڈر ہوں، سیکیورٹی میرا حق ہے، تھریٹ کی اطلاعات کے باوجود سیکیورٹی میں اضافے کے بجائے پہلے سے موجود سیکیورٹی واپس لے لی گئی۔
سندھ اسمبلی کے اپوزیشن لیڈر کا کہنا ہے کہ پورے صوبے اور کراچی کے عوام بدامنی سے متاثر ہیں، مجھے زرداری اور اسکے حواریوں سے خطرہ ہے۔
پیپلز پارٹی اور ایم کیو ایم بلدیاتی انتخابات سے خوفزدہ ہیں
انہوں نے کہا کہ پیپلز پارٹی اور متحدہ قومی موومنٹ بلدیاتی انتخابات سے خوفزدہ ہیں، پی ڈی ایم کی 13 جماعتیں ہوں یا ایم کیو ایم کے 3 دھڑے، جمع ہوکر بھی نہیں جیت سکتے۔
قائد حزب اختلاف حلیم عادل شیخ نے مزید کہا کہ متحدہ کے دھڑوں کے انضمام کی صورتحال زیرو جمع زیرو کے برابر ہے۔
یہ بھی پڑھیں: پیپلزپارٹی اور ایم کیو ایم آؤ ملکر کھاتے ہیں کا تسلسل ہے، حلیم عادل شیخ
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News