پاکستان تحریک انصاف کے چیئرمین عمران خان نے کہا ہے کہ جان بوجھ کر بلدیاتی انتخابات کے نتائج میں تاخیر کی جارہی ہے۔

تفصیلات کے مطابق سماجی رابطے کی ویب سائٹ ٹوئٹر پر پاکستان تحریک انصاف کے چیئرمین عمران خان نے اپنے ایک بیان میں کہا کہ اگر اس طرح کے انتخابات الیکشن کمیشن، ریاست اور پی ڈی ایم چاہتے ہیں تو وہ استحکام نہیں آئے گا جو انتخابات لانا چاہتے ہیں۔

انہوں نے کہا کہ اس کے بجائے اس طرح کے ہیرا پھیری والے انتخابات مزید اشتعال اور انارکی کا باعث بنیں گے۔

ان کا کہنا تھا کہ دھاندلی اور نتائج کی انجینئرنگ کو روکنے کے لیے ای وی ایم شفافیت اور فوری نتائج دیتا ہے۔

If this is the sort of elections ECP, the State & PDM want then the stability that elections are meant to bring will not happen. Instead such manipulated elections will only cause more agitation, polarisation & anarchy.

— Imran Khan (@ImranKhanPTI) January 18, 2023

عمران خان نے کہا کہ بلدیاتی انتخابات کے نتائج زیادہ سے زیادہ چند گھنٹوں کے اندر سامنے آجانے چاہئیے تھے لیکن جان بوجھ کر بلدیاتی انتخابات کے نتائج میں چند دن کی تاخیر کی جارہی ہے۔

یہ بھی پڑھیں؛ حکومت اپریل میں الیکشن کرانے پر مجبور ہو جائے گی، عمران خان

انہوں نے کہا کہ سندھ میں بلدیاتی انتخابات کی تازہ ترین رپورٹس آنے کے بعد یہ ظاہر ہوتا ہے کہ پی پی پی شفاف اور آزادانہ انتخابات کے لیے کوئی ارادہ نہیں رکھتی ہے۔

After getting reports on the latest LG elections in Sindh it is apparent that the PPP has no commitment to fair & free elections. Instead it uses force, blackmail, police harassment, money to get votes. Now also clear why the ECP, Cabal of Crooks & their handlers sabotaged EVMs.

— Imran Khan (@ImranKhanPTI) January 18, 2023

ان کا کہنا تھا کہ اس کے بجائے ووٹ حاصل کرنے کے لیے طاقت، بلیک میل، پولیس کی ہراسانی، پیسے کا استعمال پر یقین ہے۔

یہ بھی پڑھیں؛ عمران خان کا وفاقی حکومت پر دباؤ بڑھانے کا فیصلہ، جلد ہی سڑکوں پر آنے کا امکان

پاکستان تحریک انصاف کے چیئرمین عمران خان نے مزید کہا کہ اب یہ واضح ہوا ہے کہ الیکشن کمیشن، بدمعاشوں اور ان کے ہینڈلرز نے ای وی ایم کو کیوں ختم کیا۔