سربند پولیس پر دہشتگردوں کے حملے سے ڈی ایس پی سمیت 2 پولیس اہلکار شہید ہوگئے ہیں۔

تفصیلات کے مطابق پشاور کے تھانہ سربند پر دہشت گردوں نے دستی بموں اور بھاری ہتھیاروں سے رات کے اندھرے میں حملہ کیا گیا۔

حکام کا کہنا ہے کہ پولیس اور دہشت گردوں کے درمیان فائرنگ سے ڈی ایس پی بڈھ بیر سردار حسین سمیت دو گن مین ارشاد اور جہانزیب شہید ہو گئے۔

پولیس نے بتایا کہ حملہ کے بعد پولیس بکتر بند گاڑی اور بھاری نفری کے ساتھ تھانے پہنچ گئی جہاں پولیس اور دہشت گردوں کے مابین فائرنگ کا تبادلہ بھی کئی گھنٹوں تک جاری رہا۔

یہ بھی پڑھیں: بنوں: پولیس اور شرپسندوں کے درمیان فائرنگ کا تبادلہ، 2 دہشتگرد ہلاک

پولیس کے مطابق دہشت گردوں کی جانب سے لیزر گن بھی استعمال کیا گیا حملہ آور رات کی تاریکی کا فائدہ اٹھا کر فرار ہو گئے۔

خیال رہے کہ پشاور کے نواحی علاقے تھانہ سربند پر دہشت گردوں کے حملہ میں ڈی ایس پی سردار حسین سمیت تین پولیس اہلکار شہید ہو گئے۔

حملہ میں شہید پولیس اہلکاروں کی نماز جنازہ پولیس لائن پشاور میں دا کی جائے گی نماز جنازہ میں سیاسی و سماجی شخصیات شرکت کریں گی ۔

ایس ایس پی آپریشنز کاشف آفتاب عباسی

اس حوالے سے ایس ایس پی آپریشنز کاشف آفتاب عباسی  کا کہنا ہے کہ خیبرپختونخوا پولیس کی بہادری کا ایک اور کارنامہ دہشگردوں کا تھانہ سربند پر حملے کا منصوبہ ناکام بناتے ہوئے پشاور پولیس کے ڈی ایس پی بڈھ بیر سردار حسین اور پولیس اہلکاروں نے شہادت کا اعلیٰ مرتبہ پالیا۔

انہوں نے بتایا کہ مختلف اطراف سے آدھی رات کو تھانہ سربند پر دہشت گردوں نے حملہ کیا جس میں دستی بم، اسنائپر رائفل، خود کار اسلحہ استعمال کیا گیا جبکہ ڈی ایس پی اور گن مینوں کو اسنائپر رائفل سے نشانہ بنایا گیا۔

ان کا کہنا تھا کہ پولیس نے دہشت گردوں کا ڈٹ کر مقابلہ کر کے حملے کو پسپا بنایا تاہم دہشت گردوں کی تلاش کے لیے علاقے میں پولیس کا سرچ آپریشن جاری ہے۔

یہ بھی پڑھیں: بنوں میں سیکیورٹی فورسز کی کارروائی، 4 دہشتگرد ہلاک، ایک جوان شہید