وزیر اعظم شہباز شریف نے اٹلی میں کشتی کے سانحہ میں دو درجن سے زائد پاکستانیوں کے ڈوبنے پر گہری تشویش کا اظہار کیا ہے۔

سماجی رابطے کی ویب سائٹ پر اپنے ایک پیغام میں وزیراعظم نے اٹلی میں کشتی کے سانحے پر اپنے خیالات کا اظہارکیا ہے۔

The reports of the drowning of over two dozen Pakistanis in a boat tragedy in Italy are deeply concerning & worrisome. I have directed Foreign Office to ascertain facts as early as possible & take the nation into confidence.

— Shehbaz Sharif (@CMShehbaz) February 27, 2023

وزیر اعظم نے تشویش کا اظہار کرتے ہوئے دفتر خارجہ کو ہدایت کی ہے کہ جلد از جلد حقائق کا پتہ لگایا جائے اور قوم کو اعتماد میں لیا جائے۔

خیال رہے کہ  لیبیا سے اٹلی آنے والی کشتی اٹلی کے شہر کروتونیا کلابریا سے تقریباً پچیس کلومیٹر دور سمندر میں ڈوب گئی۔

یہ بھی پڑھیں: تیونس، تارکین وطن کی کشتی ڈوبنے سے 5 افراد ہلاک

کشتی میں تقریبا 150 سے 200 افراد سوار تھے، 81 افراد کو بروقت کارروائی کر کے زندہ بچا لیا  گیاہے جس میں سے 20 افراد کو اسپتال منتقل کیا گیا ہے۔

حکام کے مطابق 59 افراد کی لاشیں نکال لی گئیں  جس میں 28 پاکستانی بھی شامل ہیں۔

ذرائع کے مطابق اس کشتی  میں تقریباً 40 پاکستانی سوار تھے ۔

روم میں پاکستان کا سفارت خانہ اطالوی حکام بشمول میری ٹائم ایجنسیوں کے ساتھ ساتھ خطے میں پاکستانی کمیونٹی کے رضاکاروں اور کلابریا میں موجود پاکستانیوں سے براہ راست رابطے میں ہے۔