پی ٹی آئی رہنما حلیم عادل شیخ نے کہا ہے کہ عمران خان عوام کی جنگ لڑ رہے ہیں۔
تفصیلات کے مطابق پی ٹی آئی رہنما حلیم عادل شیخ نے میڈیا سے گفتگو کرتے ہوئے کہا کہ چوروں نے عوام کو مہنگائی کی چکی میں پیس دیا ہے، آئی ایم ایف کی غلامی میں عوام کو مہنگائی کی دلدل میں دکھیل دیا ہے۔
انہون نے کہا کہ کل یہاں مہنگائی کے خلاف بھرپور احتجاجی مظاہرہ رکھا گیا ہے، لیاقت آباد سمیت ڈسٹرکٹ سینٹرل کے علاقوں میں ہینڈ بل تقسیم کریں گے۔
ان کا کہنا تھا کہ ہماری حکومت میں آٹا 60 روپے کلو تھا 160 روپے کا ہوگیا ہے، مرغی 800 روپے کلو ہوگئی ہے ہر چیز مہنگی کر دی گئی، یہ لوگ قوم کو بوکھا مارنا چاہتے ہیں۔
یہ بھی پڑھیں؛ عمران خان قوم کے لئے اپنی جان داؤ پر لگا چکے ہیں، حلیم عادل شیخ
ان کا یہ بھی کہنا تھا کہ عمران خان عوام کی جنگ لڑ رہے ہیں، پوری قوم اس مہنگائی کے خلاف باہر نکلے۔
حلیم عادل شیخ نے کہا کہ پی ڈی ایم حکومت ایک کینسر ہے جس کا خاتمہ ضروری ہے، ایک بار پھر عدلیہ پر حملہ کیا جارہا ہے ہم عدلیہ کے ساتھ کھڑے ہیں۔
یہ بھی پڑھیں؛ ہمارے ملک میں نظام انصاف عبرت کا نشان بن رہا ہے، حلیم عادل شیخ
پی ٹی آئی رہنما حلیم عادل شیخ نے مزید کہا کہ جیل بھرو تحریک میں یہاں لڑائیاں ہورہی ہیں، ہر کوئی کہ رہا ہے پہلی گرفتاری میری ہو، ہم ورکروں سے پہلے جیل میں جائیں گے، جیل کیا ملک کے خاطر ہم اپنی جانیں دے کر پاکستان کو بچائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News