اسپیکر پنجاب اسمبلی سبطین خان نے کہا ہے کہ قومی اسمبلی کے ضمنی الیکشن ہو سکتے ہیں تو پنجاب کے کیوں نہیں ہو سکتے۔
سبطین خان نے لاہور میں اجتماعی شادیوں کی تقریب سے خطاب کرتے ہوئے کہا کہ میں آج اس تقریب میں شرکت کرنے والے اور اہتمام کرنے والوں کو مبارک باد پیش کرتا ہوں۔
انہوں نے کہا کہ اس تقریب میں آکر مجھے اچھا لگ رہا ہے۔ ہم سب مسلمانوں کو اس نیک کام میں مل جل کر کام کرنا چاہیے
اسپیکر پنجاب اسمبلی نے کہا کہ پرویز مشرف سے جو بھی کہوں گا وہ میرے ذاتی خیالات ہیں، انہوں نے پاکستان کے لئے جو کچھ کیا انہیں سراہتا ہوں۔
سبطین خان نے کہا کہ ان سے ایک دو غلطیاں ہوئی جو عدلیہ پر ایمرجنسی لگائی وہ غلط تھا، اگر پرویز مشرف چند غلطیاں نہ کرتے تو ان کا دور بہت اچھا تھا۔
گورنر صاحب آئین کو اپنی مرضی کے مطابق مت پڑھیں
انکا کہنا ہے کہ قومی اسمبلی کے ضمنی الیکشن ہو سکتے ہیں تو پنجاب کے کیوں نہیں ہو سکتے، جو دو اسمبلیاں توڑی گئی ہیں ان کے الیکشن نا کروانا بہت زیادتی ہے۔
یہ بھی پڑھیں: اسپیکر پنجاب اسمبلی نے گورنر پنجاب کے خط کا جواب دے دیا
اسپیکر پنجاب اسمبلی نے کہا کہ گورنر کو خو خط لکھا ہے اس پر گورنرن صاحب خدا کے لئے آئین کی ٹھیک تشریح کریں، گورنر صاحب آئین کو اپنی مرضی کے مطابق مت پڑھیں۔
آرٹیکل 6 کو مذاق مت بنایا جائے
سبطین خان نے کہا کہ گورنر صاحب قانونی طور پر مجاز ہیں کہ وہ الیکشن کی تاریخ دیں، آئین میں درج ہے کہ گورنر عبوری وزیر اعلیٰ اور اس کی کابینہ کی تشکیل سے پہلے الیکشن کی تاریخ کا اعلان کریں۔
اسپیکر پنجاب اسمبلی نے کہا کہ آرٹیکل 6 کو مذاق مت بنایا جائے جہاں پر لگتا ہے وہاں ضرور لگنا چاہیے۔
انہوں نے مزید کہا کہ جیل بھرو تحریک سے متعلق آپ وقت سے پہلے بات کر رہے ہیں، کچھ آئینی عہدے ہوتے ہیں اس کا خیال رکھنا پڑتا ہے لیکن سب سے پہلے عمران خان اور تحریک انصاف ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News