انہوں نےعمران خان پر ہونے والے قاتلانہ حملے کے حوالے سے بات کرتے ہوئے کہا کہ جب سے عمران خان پر قاتلانہ حملہ ہوا تب سے شک ہے ان کی تحقیقات درست نہیں ہو رہی ہے۔

یہ بھی پڑھیں: جنہوں نے آڈیو ریکارڈ کی ہے ان کو شرم کرنی چاہیے، یاسمین راشد

انہوں نے مزید کہا کہ جے آئی ٹی ہماری حکومت میں بنی کیبینٹ اپروول کے بعد تحقیقات کی گئیں، پراسیکیوٹر جنرل نے ہوم ڈیپارٹمنٹ کے تحت انکوائری کی تو پتہ چلا کہ قاتلانہ حملے کے شواہد ضائع اور خرد برد کرنے کی کوشش کی گئی، وفاقی حکومت نے پریشر ڈالا پراسکیورٹنگ جنرل نے عدالت کو بتایا کہ ثبوت کو مٹانے کی کوشش کی۔

رہنما پی ٹی آئی کا کہنا تھا کہعمران خان کہتے ہیں حکومت حملے میں ملوث ہے تو سو فیصد درست ہے اور وفاقی حکومت نے بائیس تاریخ کو نئی جے آئی ٹی بنائی اس پر اعتراض کی کیونکہوفاقی حکومت کے پاس پاور نہیں جبکہ صوبائی حکومت نے جے آئی ٹی بنائی تو کیوں دوسرے جے آئی ٹی بنائی گئی،سونے پر سہاگہ اب دوسری نئی جے آئی ٹی بنا دی وفاق نے کہاکہ چار لوگ جنہوں نے ثبوت ضائع کیے اب اس جے آئی ٹی میں وہ لوگ شامل ہیں۔

ان کا کہنا تھا کہ سارے ہتھکنڈے جے آئی ٹی رپورٹ کو خراب کرنے کےلئے استعمال کئے گئے اور جن لوگوں کے خلاف پراسیکیوٹر نے ثبوت خراب کرنے کی کوشش کی تو انہیں ہی نئی جے آئی ٹی میں شامل کردیا  ہے۔

انہوں نے کہا کہ عمران خان کے خلاف سازش کو کامیاب نہیں ہونے دیں گے،عمران خان کی ساری رپورٹیں خراب کی جا رہی ہیں رانا ثنااللہ قاتل ہے اس کی کوشش ہے عمران خان کو قتل کردیں تاہملاہور ہائی کورٹ میں سوموار کو پیٹیشن دائر کریں گے کہ نئی جے آئی ٹی نہ بنائی جائے۔

انہوں نے بتایا کہ آڈیو لیکس کی پیٹیشن دائر کی ہے تاکہ مجھے پتہ چلا ثناللہ صاحب آپ نے میرا فون کس لیے ٹیپ کروایا؟ میں جاننا چاہتی ہوں کیوں میری پرائیویسی پر حملہ کیا گیا۔

انہوں نے کہا کہ دہشتگردوں کی نقل و حمل پکڑنے کے لیے کالز ریکارڈ کرنے کی اجازت ملتی ہے ، ہم کوئی دہشتگرد ہیں جو ہماری کالز ٹیپ کی جا رہی ہیں اور میں ایک عورت ہوں،فئیر ٹرائل ایکٹ 2013 کے مطابق شہری کا ٹیلی فون ٹیپ کرنے کے لیے وزیرداخلہ کے پاس درخواست دینی ہوتی ہے اور وزیرداخلہ ہائیکورٹ کے جج سے اجازت حاصل کریں تو کال ٹیپ کی جا سکتی ہے ۔