آرمی چیف جنرل سید عاصم منیر نے کہا ہے کہ دہشت گردوں کا کوئی مذہب یا نظریہ نہیں ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے گزشتہ روز دہشت گردی کا نشانہ بننے والے کراچی پولیس آفس (کے پی او) کا دورہ کیا ہے۔
اس موقع پر وزیر اعلیٰ سندھ سید مراد علی شاہ بھی آرمی چیف جنرل سید عاصم منیر کے ہمراہ تھے۔ کور ہیڈکوارٹرز میں آرمی چیف اور وزیر اعلیٰ سندھ مراد علی شاہ کو کراچی پولیس آفس حملے پر بریفینگ دی گئی۔
بعد ازاں آرمی چیف اور وزیر اعلیٰ سندھ نے جناح میڈیکل سینٹر کا بھی دورہ کیا جہاں پولیس اور رینجرز کے زخمی جوانوں سے ملاقات کی اور پولیس ورینجرز جوانوں کے بلند حوصلے اور بہادری کو سراہا۔
آرمی چیف جنرل سید عاصم منیر نے کہا کہ دہشت گردوں کا کوئی مذہب یا نظریہ نہیں، گمراہ کن تصور کولالچ اور دباؤ سے مسلط کیا جارہا ہے۔
Advertisement
آرمی چیف جنرل سید عاصم منیر نے مزید کہا کہ انسداددہشت گردی کیلئے اعتماد اور فریقین کی مشترکہ کاوشوں کی ضرورت ہے جبکہ پاکستانیوں نے ہمیشہ دہشت گردی اور انتہاپسندی کو شکست دی ہے۔
وزیر اعلیٰ سندھ مراد علی شاہ نے کہا کہ ریاست دہشتگردی کے خلاف قانون نافذ کرنے والے اداروں، قوم کے عزم، لازوال قربانیوں کا اعتراف، سلام پیش کرتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
