وفاقی وزیر توانائی خرم دستگیر کا کہنا ہے کہ ترک عوام کیلئے امداد بھیجنے کی کوشش کررہے ہیں۔
ترکیہ کے زلزلہ متاثرین کے لئے امداد کی ترسیل سے متعلق خرم دستگیر نے میڈیا سے گفتگو کرتے ہوئے کہا کہ وزیر اعظم شہباز شریف کی ہدایت پر ٹرکوں کا قافلہ بھی ترکیہ اور شام بھیجیں گے۔
انہوں نے کہا کہ پاکستان سے مزید میڈیکل ٹیمیں بھجوائیں گے، بحری جہاز کے ذریعے بھی امداد بھیجنے کی کوشش کررہے ہیں، مصیبت میں پھنسے ترک عوام کی مدد کریں گے۔
دوسری جانب وفاقی وزیر مملکت اور پیپلز پارٹی کے ترجمان فیصل کریم کنڈی نے بھی گفتگو کرتے ہوئے کہا کہ وزیراعظم نے ہر ضلع میں امدادی کیمپ لگانےکی ہدایت کی، عوام سے اپیل ہے مشکل وقت میں ترکیہ کی مدد کریں۔
این ڈی ایم اے ترکیہ میں اپنا کردار ادا کررہا ہے، ترکیہ نے ہر مشکل وقت میں پاکستان کی مدد کی، مشکل وقت میں ترکیہ اور شام کے ساتھ کھڑے ہیں۔
اس موقع پر سینیٹر طلحہ محمود نے بھی میڈیا سے گفتگو کرتے ہوئے کہا کہ ترکیہ نے ہرمشکل وقت میں پاکستان کی مدد کی، مشکل گھڑی میں ترکیہ کے ساتھ ہیں۔
سینیٹر طلحہ محمود نے مزید کہا کہ کوشش ہے ترکیہ کے عوام کی زیادہ سے زیادہ مدد کرسکیں۔
واضح رہے کہ 6 فروری کی صبح 4 بج کر 17 منٹ پر ترکیہ اور شام زلزلے سے لرز اٹھا تھا جب کہ زلزلے کے بعد بھی آفٹر شاکس محسوس کیے گئے تھے۔
ریکٹر اسکیل کے مطابق زلزلے کی شدت 7.8 فیصد تھی، زلزلے سے مجموعی طور پر 1 کروڑ 35 لاکھ افراد متاثر ہوئے ہیں جب کہ ترکیہ اور شام میں زلزلے سے 21 ہزار سے زائد ہلاکتیں رپورٹ ہوچکی ہیں۔
ترکیہ اور شام 6 فروری کو شدید زلزلے سے لرز اٹھے، 7.8 شدت کے زلزلے سے ہزاروں عمارتیں زمین بوس ہوگئیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News