وفاقی وزیر خارجہ بلاول بھٹو زرداری نے کہا ہے کہ دنیا کا مشکل وقت میں ساتھ دینا ہماری بہترین خارجہ پالیسی ہے۔

 بلاول بھٹو زداری نے اسلام آباد میں 42 ویں ڈپلومیٹک کورس کے آفیسرز کی تقریب سے خطاب کرتے ہوئے کہا کہ پاکستان عالمی برادری کے ساتھ بہتر تعلقات کا خواہاں ہے، پوری دنیا نے مشکل وقت میں ہمارا ساتھ دیا۔

انہوں نے کہا کہ امریکا اور چین نے سیلاب کے دوران بھرپور مدد کی، دنیا کا مشکل وقت میں ساتھ دینا ہماری بہترین خارجہ پالیسی ہے۔

وزیر خارجہ نے کہا کہ موسمیاتی تبدیلی پر ہر فورم میں آواز اٹھائی، پوری دنیا موسمیاتی تبدیلی کے مؤقف پر ہمارے ساتھ ہے۔

بلاول  بھٹو زداری نے مزید کہا کہ ملکی مفاد میں خارجہ پالیسی بناتے ہیں، پاکستان موسمیاتی تبدیلی سے متاثر ہوا، پاکستان کو خطےمیں مختلف بحرانوں کا سامنا ہے۔

وزیر خارجہ کا یو این سیکریٹری جنرل کا شکریہ

چند روز قبل وزیر خارجہ بلاول  بھٹو نے کہا تھا کہ میں یو این سیکریٹری جنرل کا بہت شکرگزار ہوں جنھوں نے اپنا وقت نکالا اور پاکستان آئے، سیکریٹری جنرل نے تباہ کاریوں کے مناظر کا خود معائنہ کیا اور عالمی سپورٹ کیلئے اپیل کی، ان کی اپیل کے بعد پوری دنیا اور ادارے مدد کیلئے آگے آئے۔

انکا کہنا تھا کہ ہماری خارجہ پالیسی کی سب سے بڑی کامیابی ہے اس ماحول میں پاکستان نے جو دنیا سے مانگا اس سے زیادہ ہم سے وعدے کیے گئے، ہمارے مطالبہ تھا کہ دوبارہ تعمیرات کی جائیں، اس سلسلے میں سب سے آگے ورلڈ بینک سے تعاون کیا۔

وزیر خارجہ نے کہا کہ اس وقت ورلڈ بینک کا شکر گزار ہوں صفہ اول کا کردار ادا کیا ہے، ہم نے فیصلہ کیا تھا جن لوگوں کے گھر برباد ہوئے ہیں انکی تعمیر کرنی ہے، ورلڈ بینک نے سیلاب سے متاثرہ علاقوں کے لئے 2 ارب ڈالرز منظور کروائے۔

بلاول بھٹو نے کہا کہ اب دیگر ادارے بھی پیپلز پاؤسنگ کے لئے آگے آرہے ہیں، ہمیں 1.5 ارب ڈالرز گھروں کی تعمیر کے لئے ضرورت ہے۔

انہوں نے کہا کہ وزیراعظم نے سی ایم کو یقین دھانی کرائی ہے کہ وفاق کی جانب سے جو حصہ بنتا ہے اسے فراہم کرینگے اورسیلاب سے متاثرہ افراد کو مالکانہ حقوق بھی دینگے۔