پاکستان تحریک انصاف کے رہنما بابر اعوان نے کہا ہے کہ عمران خان پر ایک اور قاتلانہ حملے کی کوشش کی جارہی ہے۔

تفصیلات کے مطابق رہنما تحریک انصاف بابر اعوان نے عمران خان کی زندگی اور سیکیورٹی سے متعلق بات کرتے ہوئے اہم پریس کانفرنس کی اور بتایا کہ  ابھی لانگ مارچ شروع نہیں ہوا تھا ہمیں پہلے بھی عمران خان پر قاتلانہ حملے کی اطلاعات  موصول ہوئیں تھیں جس کے حوالے سے عمران خان نے خود دو مرتبہ یہ بات دہرائی تھی

انہوں نے بتایا کہ عمران خان نے یہ بھی بتایا کہ مذہبی جنونی حملہ ہوسکتا ہے جس  کے بعد وزیر آباد میں بالکل ایسا ہی ہوا، عمران خان کا پرچہ نہیں ہوا تھا کہ ملزم کا بیان آگیا۔

انہوں نے کہا کہ قاتلانہ حملے کے متعلق حکومت نے پہلے بیان دیا حملہ نہیں ہوا پھر کہا مذہبی جنونی نے حملہ کیا اور جی آئی ٹی نے بتایا تین جگہ سے فائر ہوئے اور اب تازہ اطلاعات اور شواہد ہیں کہ دوبارہ عمران خان کی جان لینے کی کوشش کی جارہی ہے ۔

یہ بھی پڑھیں: عمران خان ہی اگلا وزیراعظم ہے، بابر اعوان

انہوں نے مزید کہا کہ ہمارے پاس ایسے شواہد ہیں کہ عمران خان پر ایک اور قاتلانہ حملے کی کوشش ہے ۔

بابر اعوان کا کہنا تھا کہ عمران خان پر اسلام آباد میں متعدد پرچے درج ہوچکے ہیں اور کوشش ہے اسلام آباد کچہری میں عمران خان کو گھیر کر لایا جائے پھر سنائپر سے حملہ کیا جائے  تاہم ایک غیر ملکی ایجنسی نے یہ بتایا ہے اسلام آباد کچہری میں ایسا واقع ہوسکتا ہے۔

ان کا کہنا تھا کہ پہلی بار جوڈیشنل کیمپلکس میں عمران خان کی آمد ہر سیکیورٹی کے کیمرے بند کردیے گئے  تھے اور عمران خان کی پیشی پر اے ٹی سی کورٹ کی سیکورٹی مکمل طور پر غائب تھی اور جوڈیشل سیکیورٹی کی اپنی سیکورٹی کا ایک بھی اہلکار عمران خان کی پیشی پر نہیں تھا۔

انہوں نے کہا کہ حکومت چاہتی ہے عمران خان کے جانثار ان کی سیکیورٹی سے ہٹ جائیں  جس کی وجہ سے احمد نیازی عمران خان کی سیکورٹی کا انچارج ہے اس پر دہشتگردی کا مقدمہ درج کردیا گیا ہے ۔

انہوں نے بتایا کہ عمران خان کے معاملے پر سلمان تاثیر اور لیاقت باغ حملہ والا فارمولا استعمال کرنے کی کوشش کی جارہی ہے ۔

اس موقع پر بابر اعوان نے عدلیہ سے اپیل کرتے ہوئے کہا ہے کہ اسلام آباد کے اندر موجود ای کورٹ میں اسپیڈلی مقدمات نمٹائے گئے  ہیں تاہم عمران کی پیشی بذریعہ ویڈیو لنک کی جائے۔