اسلام آباد سمیت ملک کے مختلف شہروں میں پرسوں آنے والے زلزلے کے بعد آفٹر شاکس کا سلسلہ جاری ہے۔

زلزلہ پیما مرکز کے مطابق اسلام آباد اور گردونواح میں ایک بار پھر زلزلے کے جھٹکے محسوس کیے گئے ہیں۔

اسلام آباد اور گردونواح میں زلزلے کے آفٹر شاکس کا سلسلہ جاری
ریکٹر اسکیل پر زلزلے کی شدت 4.3 ریکارڈ کی گئی ہے،زلزلہ پیما مرکز
زلزلے کی گہرائی 90 کلو میٹر تھی
زلزلے کا مین مرکز افغانستان تھا، زلزلہ پیما مرکز#earthquake #BOLNews pic.twitter.com/APt4NL6Ljp

— BOL Network (@BOLNETWORK) March 23, 2023

زلزلہ پیما مرکز کا کہنا ہے کہ ریکٹر اسکیل پر زلزلے کی شدت 4.3 ریکارڈ کی گئی ہے۔

زلزلہ پیما مرکز کے مطابق زلزلے کا مین مرکز افغانستان تھا اور اسکی زیر زمین گہرائی 90 کلو میٹر تھی۔

اس کے علاوہ سرگودھا، چنیوٹ، بورےوالا، پنڈی بھٹیاں، حافظ آباد، پنڈ دادنخان، ڈجکوٹ، شیخوپورہ میں بھی زلزلے کے جھٹکے محسوس کیے گئے ہیں۔

واضح رہے کہ دو روز قبل بھی اسلام آباد سمیت ملک کے مختلف شہروں میں زلزلے کے شدید جھٹکے محسوس کیے گئے تھے جس کے نتیجے میں 9 افراد جاں بحق اور 160 سے زائد افراد زخمی ہوئے تھے۔

دارالحکومت اسلام آباد سمیت پنجاب، خیبر پختونخوا، بلوچستان، آزاد کشمیر اور گلگت بلتستان کے مختلف شہروں میں زلزلے کے شدید جھٹکے محسوس کیے گئے۔

اس کے علاوہ پشاور، لاہور، کوہاٹ، صوابی، بہاول پور، لودھراں، ڈی جی خان، میانوالی، خانیوال، ٹوبہ ٹیک سنگھ، پارا چنار اور کرک میں بھی زلزلے کے جھٹکے محسوس کیے گئے تھے۔

علاوہ ازیں اسکردو، چلاس، ایبٹ آباد، مانسہرہ، پتوکی، میانوالی، شاہ کوٹ، کمالیہ، بورے والا، پھولنگر، قصور، شیخوپورہ خوشاب اور اوکاڑہ میں بھی زلزلے کے جھٹکے محسوس کیے گئے جبکہ سے باہر نکل آئے۔

زلزلہ پیما مرکز کے مطابق زلزلے کی شدت 6.8 سے لے کر 7.7 تھی جبکہ مرکز افغانستان سے 90 کلومیٹر دور ہندوکش پہاڑی سلسلہ تھا۔

زلزلے کے نتیجے میں اسلام آباد کے سیکٹر ای الیون میں واقع کثیرالمنزلہ رہائشی عمارت ’خداداد ہائیٹس‘ میں دراڑیں پڑیں جس کے بعد اس عمارت سے رہائشیوں کا انخلا کردیا گیا تھا۔