کراچی میں صبح سویرے بارش، موسم خوشگوار

مریم حسن

22nd Mar, 2023. 09:09 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں صبح سویرے بارش، موسم خوشگوار

شہر قائد میں صبح سویرے بارش ہونے کے باعث موسم خوشگوار ہوگیا ہے۔

محکمہ موسمیات کے مطابق شہر میں آج گرج چمک کے ساتھ بارش و ژالہ باری کا امکان ہے جبکہ یہ سلسلہ کل رات تک جاری رہے گا۔

محکمہ موسمیات نے بتایا ہے کہ آج کم سے کم درجہ حرارت 20 ڈگری سینٹی گریڈ ریکارڈ کیا جاسکتا ہے جبکہ ہوا میں نمی کا تناسب 83 فیصد ریکارڈ کیا گیا ہے۔

محکمہ موسمایت کے مطابق آج پورا دن وقفے وقفے سے بارش کا سلسلہ جاری رہے گا۔

یہ بھی پڑھیں: ملک میں ایک اور مغربی سلسلے کی آمد، گرج چمک کے ساتھ موسلادھار بارشوں کا امکان

بحرعرب سے بارش کا سسٹم شہر قائد کیجانب بڑھنے لگا ہے جس کی زیر اثر گرج چمک کیساتھ تیز اور ہلکی بارش کا امکان بڑھ گیا ہے۔

محکمہ موسمیات کا کہنا ہے کہ بارش کا یہ سسٹم ٹھٹہ اور حیدرآباد اور بدین کو بھی اپنی لپیٹ میں لے گا جبکہ کچھ علاقوں میں ژالہ باری بھی ہوسکتی ہے۔

دوسری جانب آئندہ بارہ گھنٹوں کے دوران اسلام آباد، پنجاب، خیبرپختونخوا، زیریں سندھ، بلوچستان، کشمیر اور گلگت بلتستان میں آندھی اور گرج چمک کے ساتھ بارش کا امکان ہے۔

پیشین گوئی کے دوران چند مقامات پر ژالہ باری کا امکان ہے جبکہ بلوچستان کے شمالی اور زیریں اضلاع میں چند مقامات پر موسلادھار بارش کا امکان ہے۔