
عمران خان کی ممکنہ گرفتاری، پی ٹی آئی کی نئی حکمت عملی سامنے آگئی
سابق وزیر اعظم عمران خان کی ممکنہ گرفتاری کے خدشات کے پیش نظر پاکستان تحریک انصاف (پی ٹی آئی) کی نئی حکمت عملی سامنے آگئی۔
تفصیلات کے مطابق پاکستان تحریک انصاف کے چئیرمین عمران خان کی ممکنہ گرفتاری کے پیش نظر پی ٹی آئی کی مرکزی قیادت کے اجلاس کی اندرونی کہانی سامنے آگئی۔
ذرائع کے مطابق پاکستان تحریک انصاف نے سنٹرل پنجاب کے بعد جنوبی پنجاب اور کے پی کے سے بھی پارٹی کارکنوں کو زمان پارک بلالیا۔
ذرائع نے بتایا کہ مرحلہ وار یہ کارکن دن اور رات کے اوقات میں زمان پارک میں ڈیوٹی دیں گے، کم از کم 5 ہزار پارٹی کارکن زمان پارک کے باہر ہر وقت موجود رہیں گے۔
یہ بھی پڑھیں: کوئٹہ پولیس عمران خان کو گرفتار کرنے لاہور پہنچ گئی
ذرائع کے مطابق گرفتاری کے خدشے کے پیش نظر متبادل پارٹی قیادت کا معاملہ بھی طے کرلیا گیا تاہم گرفتاری کی صورت میں شاہ محمود قریشی پارٹی کے فیصلے کرنے میں بااختیار ہوں گے۔
اس موقع پر عمران خان کی ممکنہ گرفتاری سے پہلے پارٹی ٹکٹوں کو فائنل کرنے کی بھی کوشش کی گئی۔ آئندہ چار سے پانچ روز میں دونوں صوبوں کی ٹکٹیں فائنل کردی جائیں گے۔
یہ بھی پڑھیں: سابق وزیر اعظم عمران خان کو گرفتار کرنے کا پلان بی تیار
ذرائع کا کہنا ہے کہ اجلاس میں اگلے ہفتے سے انتخابی جلسے شروع کرنے کی بھی منظوری دے دی گئی۔ ایک سیٹ پر ایک سے زائد امیدوار ہونے کی صورت میں دیگر امیدواروں کو بلدیاتی انتخابات اور حکومت عہدوں پر ایڈجسٹ کیا جائے۔
اس کے علاوہ پارٹی کی مفاہمتی کمیٹی قائم کی جائے گی تو ایک سے زائد امیدواروں کے درمیان مفاہمت پیدا کرے گی۔
ذرائع نے مزید بتایا کہ زمان پارک میں مزید کیمپ لگانے کا بھی فیصلہ کیا گیا تاہم عمران خان کی رہائشگاہ کے سامنے دو خالی پلاٹ اس مقصد کیلئے استعمال ہوں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News