پاکستان تحریک انصاف کے سینئر نائب صدر فواد چوہدری نے کہا ہے کہ مریم نواز کیخلاف تحقیقات سے پیچھے نہیں ہٹیں گے۔

سابق وفاقی وزیر فواد چوہدری نے الیکشن کمیشن کے باہر میڈیا سے گفتگو کرتے ہوئے کہا کہ چیف جسٹس لاہور ہائیکورٹ کو خط لکھا کہ آپ نے جوڈیشل آفسر دینے سے انکار کیا، چیف جسٹس لاہور ہائیکورٹ جوڈیشل افسران کی فراہمی سے متعلق فیصلے پرنظر ثانی کریں۔

الیکشن کمیشن سے ہماری کوئی ذاتی لڑائی نہیں

انہوں نے کہا کہ الیکشن کمیشن پر ہم نے تنقید کی، ممبران سے کوئی ذاتی دشمنی نہیں، انتخابات کے انعقاد پر الیکشن کمیشن نے پریشر برداشت کیا، انتخابات کی تیاریوں سے متعلق الیکشن کمیشن کے کردار سے مطمئن ہیں۔

فواد چوہدری نے کہا کہ الیکشن کمیشن سے ہماری کوئی ذاتی لڑائی نہیں، الیکشن کمیشن نے دباؤ کے بغیر انتخابات کرانے کا فیصلہ کیا، الیکشن کمیشن سپریم کورٹ کے فیصلے کے ساتھ کھڑا ہے۔

ایف آئی اے جتنے مرضی نوٹس دے مریم کیخلاف تحقیقات ہونگی

انکا کہنا ہے کہ مریم نواز کیخلاف تحقیقات کا کہنے پر مجھے نوٹس بھیجا گیا، ایف آئی اے کا نوٹس عدالت میں چیلنج کریں گے، مریم کیخلاف آپ نے تحقیقات نہ کیں تو ہم کریں گے۔

یہ بھی پڑھیں: توشہ خانہ کے قواعد میں ترامیم ، 30 دن کے اندر تحائف جمع کر وانا لازمی قرار

انہوں نے کہا کہ ایف آئی اے جتنے مرضی نوٹس دے مریم کیخلاف تحقیقات ہونگی، مریم نواز کے منشی کے کہنے پر ایف آئی اے نوٹس بھجوارہا ہے، مریم نواز کیخلاف تحقیقات سے پیچھے نہیں ہٹیں گے۔

توشہ خانہ کی تحقیقات کیلئے جوڈیشل کمیشن بنایا جائے

پی ٹی آئی رہنما نے کہا کہ توشہ خانہ کی تحقیقات کیلئے جوڈیشل کمیشن بنایا جائے، 1988 سے 2002 تک کی تفصیلات بھی سامنے لائی جائیں، توشہ خانہ رپورٹ میں ٹیمپرنگ کی گئی اور  1988 سے2022 کی رپورٹ میں بھی ٹیمپرنگ کررہے ہیں۔

سابق وفاقی وزیر نے کہا کہ نوازشریف، مریم نواز مہم چلانے پرعمران خان،بشریٰ بی بی سے معافی مانگیں، ن لیگ نے اربوں روپے لگا کر توشہ خانہ پر مہم شروع کی،  توشہ خانہ کے سب سے بڑے بینفشری شریف اور زرداری خاندان تھے۔

نگراں حکومت لوگوں کو قتل کروارہی ہے

فواد چوہدری نے کہا کہ حکومت کو فیصلہ پسند نہ آئے تو ججز کیخلاف مہم شروع کردیتے ہیں، عوام کی نظریں سپریم کورٹ اور الیکشن کمیشن پر ہیں، آئین کو صرف سپریم کورٹ بچاسکتی ہے۔

انکا کہنا ہے کہ نگراں حکومت لوگوں کو قتل کروارہی ہے، محسن نقوی، آئی جی، سی سی پی او، ایڈیشنل سیکریٹری کو حساب دینا ہوگا،  نگراں پنجاب حکومت جانبدار کردار ادا کررہی ہے، الیکشن کمیشن سے نگراں حکومت کا کردار دیکھنے کو کہا ہے۔

فواد چوہدری نے مزید کہا کہ کل کی ریلی نے بتادیا عوام کس کے ساتھ ہیں، ظل شاہ کے خون کو نہیں بھولنے دیں گے، ظل شاہ کے قتل کی تحقیقات کیلئے جوڈیشل کمیشن بنایا جائے۔