سندھ حکومت کا میئر، ڈپٹی میئر پر فوری انتخابات کرانے کیلئے الیکشن کمیشن کو خط

صلاح الدین علی

27th Mar, 2023. 02:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ حکومت کا میئر، ڈپٹی میئر پر فوری انتخابات کرانے کیلئے الیکشن کمیشن کو خط

سندھ حکومت نے میئر، ڈپٹی میئر اور مخصوص نشستوں پر فوری الیکشن کرانے کے لئے الیکشن کمیشن کوخط لکھ دیا۔

خط میں کہا گیا کہ سندھ میں بلدیاتی الیکشن کے مراحل مکمل ہوچکے ہیں، چاہتے ہیں فوری طور پر نمائندگان کا چناؤ کیا جائے۔

خط کے مطابق سندھ حکومت آئینی آرٹیکل 140A کے تحت مطالبہ فوری عمل مکمل کرنے کا مطالبہ کرتی ہے۔

محکمہ بلدیات کی جانب سے الیکشن کمیشن کو لکھے گئے خط میں آئینی حوالے دیے گئے اور بلدیاتی اداروں کی رکے ہوئے مرحلے کو فوری مکمل کرنے کی استدعا بھی کی گئی ہے۔

یہ بھی پڑھیں: بلاول بھٹو نے جیالا میئر کراچی منتخب کرانے کا ٹاسک سعید غنی کے حوالے کردیا

چند روز قبل سندھ میں میئر، ڈپٹی میئر کے الیکشن میں تاخیر پر پیپلز پارٹی نے الیکشن کمیشن کے خلاف عدالت سے رجوع کرنے کا اعلان کر دیا تھا۔

مخصوص بلدیاتی نشستوں کا شیڈول جاری نہ ہونے پر پیپلز پارٹی عدالت سے رجوع کرے گی، میئر، ڈپٹی میئر، چیئرمین، وائس چیئرمین کے الیکشن فوری کرانے کے لئے سندھ ہائی کورٹ سے رجوع کیا جائے گا۔

اس کے علاوہ پیپلز پارٹی کی جانب سے ضمنی بلدیاتی الیکشن کے شیڈول کے خلاف بھی عدالت سے رجوع کیا جائے گا۔

واضح رہے کہ الیکشن کمیشن نے 18 اپریل کو ضمنی بلدیاتی الیکشن کا اعلان کیا ہے۔