سینیئر رہنما پاکستان تحریک انصاف حماد اظہر نے کہا ہے کہ پی ڈی ایم حکومت پاکستان کی تاریخ کا سب سے بڑا سانحہ ہے۔

تفصیلات کے مطابق رہنما پاکستان تحریک انصاف حماد اظہر نے اہم پریس کانفرنس کرتے ہوئے کہا کہ ڈالر کا ریٹ 278 تک پہنچ گیا اور اوپن مارکیٹ میں 310 تک پہنچ گیا ہے جس کے بعد آج دوبارا ہماری معیشت کریش کر گئی ہے۔

انہوں نے کہا ہے کہ اس ٹولے کو حکومت میں رکھنے کے لیے بہت محنت کی گئی  لیکن ہم پچھلے 11 ماہ سے مسلسل کہہ رہے ہیں کہ ان سے معیشت نہیں سنبھلے گی ۔

انہوں نے مزید کہا کہ جو پچھلے گیارہ ماہ میں تباہی آئی ہے اس سے قبل قدرتی آفات میں بھی نہیں ہوا  ہے اور پچھلے 11 ماہ میں 62 فیصد روپے نے اپنی قدر کھوئی ہے۔

رہنما پی ٹی آئی کا کہنا تھا کہ ہم مسلسل کہہ رہے ہیں ان سے معیشت نہیں سنبھل رہی ان کے پاس کوئی پلین نہیں ہے، کبھی آئی ایم ایف کو آنکھیں دکھاتے ہیں کبھی ان کی منتیں کرتے ہیں ۔

یہ بھی پڑھیں: پی ڈی ایم والے عدلیہ پر حملہ آور ہو کر انتخابات سے بھاگنا چاہتے ہیں، عمران خان

حماد اظہر نے پی ڈی ایم حکومت کو پاکستانی تاریخ کا بدترین سانحہ قرار دیتے ہوئے کہا کہ صرف عمران خان کے خوف میں اس ٹولے کو حکومت میں رکھنے کے لیے لوگوں کو ننگا گیا، ان کے خلاف پرچے کیے گیے، ایف آئی اے اور الیکشن کمیشن جیسے اداروں کو سیاسی بنایا گیا، اس صورتحال سے نکلنے کا واحد ایک راستہ کے وہ صاف شفاف انتخابات کا ہے۔

ان کا کہنا تھا کہ ملک کو اس وقت فریش مینڈیٹ کی ضرورت ہے ،اس وقت ملک کی بھاگ دوڑ سنبھالنا آسان کام نہیں لیکن انشاء اللہ عمران خان کی قیادت میں دوبارا ملک کو معاشی استحکام بخشیں گے۔

انہوں نے مزید کہا کہ ملکی معاشی صورتحال انتہائی خطرناک موڑ پر پہنچ گئی، ملک ڈیفالٹ ہونے کی جانب بڑھ رہا ہے، حکومت کی کوئی معاشی پالیسی نہیں ، اسحاق ڈار میڈیا کے سامنے نہیں آتے ، عائشہ غوث پاشا چھٹی پر ہیں اور وزیراعظم معیشت پر بات نہیں کرسکتے۔