کراچی کے علاقے نارتھ ناظم آباد کے اسسٹنٹ کمشنر ہاظم بنگوار کا کہنا ہے کہ ابھی شادی کیلئے کم عمر ہوں۔

 حال ہی میں کراچی کے علاقے نارتھ ناظم آباد کے اسسٹنٹ کمشنر ہاظم بنگوار نے ایک نجی ٹی وی کے مارننگ شو میں شرکت کی جہاں انہوں نے بتایا کہ اسسٹنٹ کمشنر بننے سے قبل وہ امریکا اور کئی ممالک میں رہ چکے ہیں اور ان کا اس شعبے میں آنا ایک اتفاق تھا۔

  انہوں نے کہا کہ پاکستان آنے سے قبل وہ بیرون ملک مقیم تھے جہاں انہوں نے تعلیم حاصل کی، وہ تعلیم حاصل کرنے کے بعد ماڈلنگ کرنے لگے تھے، انہوں نے کئی میگزینز کے لیے فوٹو شوٹ بھی کروایا۔

شو کے دوران میزبان کی جانب سے پوچھے گئے سوال ہر ہاظم نے اعتراف کیا کہ انہیں ماضی میں محبت ہوچکی ہے لیکن انہوں نے یہ نہیں بتایا کہ محبت کس سے ہوئی تھی۔

ہاظم بنگوار نے شادی سے متعلق کیے گئے سوال پر جواب دیا کہ نہ ہی مجھے اور نہ ہی گھر والوں کو کوئی جلدی ہے، شادی کے لیے ابھی میں کم عمر ہوں، شادی ہوجائے گی۔

دوران انٹرویو ہاظم بنگوار نے انکشاف کیا کہ انہیں اداکاری کی پیشکش ہوچکی ہے لیکن انہیں اس شعبے میں دلچسپی نہیں ہے۔

شو میں جب ان سے اداکاروں سے متعلق سوال کیا گیا تو انہوں نے معروف اداکاروں کو پہچاننے سے بھی انکار کردیا جس میں مایا علی اور وہاج علی شامل تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں