عدالت نے توشہ خانہ فوجداری کارروائی کیس میں چیئرمین تحریک انصاف عمران خان کی حاضری سے استثنیٰ کی درخواست منظور کر لی ہے۔
تفصیلات کے مطابق ایڈیشنل سیشنز جج ہمایوں دلاور نے کیس کی سماعت کی۔
چیئرمین پی ٹی آئی کی لیگل ٹیم عدالت میں پیش ہوئی۔
بیرسٹر گوہر نے چیئرمین پی ٹی آئی کی حاضری سے استثنیٰ کی درخواست دائر کی۔
بیرسٹر گوہر کا کہنا تھا کہ اسلام آباد ہائیکورٹ میں چیف جسٹس کی عدم دستیابی کی بنا پر سماعت نہیں ہو سکی، عدالت سے درخواست ہے کہ انصاف کی بنیاد پر ایک اور موقع دیا جائے۔
الیکشن کمیشن کے وکیل سعد حسن نے چیئرمین پی ٹی آئی کی حاضری سے استثنیٰ کی مخالفت کرتے ہوئے کہا کہ کیس کا گواہ اپنا کورس چھوڑ کر اسلام آباد میں موجود ہے۔
جج ہمایوں دلاور کا کہنا تھا کہ کیس کو ہفتے کے روز سماعت کیلئے مقرر کر رہا ہوں۔
عدالت نے چیئرمین پی ٹی آئی کی حاضری سے استثنیٰ کی درخواست منظور کر لی۔
الیکشن کیمیشن کے وکیل امجد پرویز نے تاریخ تبدیل کرنے کی استدعا کرتے ہوئے کہا کہ ہم جمعہ 14 جولائی کو دلائل دینا چاہتے ہیں 15 جولائی کو کچھ مصروفیات ہیں۔
عدالت نے الکیشن کمیشن کے وکیل امجد پرویز کی استدعا منظور کرتے ہوئے تاریخ تبدیل کر دی۔
الیکشن کمیشن کے وکیل کل بروز جمعہ کو دلائل دیں گے جبکہ عدالت نے چیئرمیں پی ٹی آئی کے وکلا سے پیر کو دلائل طلب کر لیے۔
عدالت نے کیس کی سماعت کل تک ملتوی کر دی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News