معاشی بحران سے ہمیں صرف دعائیں ہی نکال سکتی ہیں، گورنر سندھ

ویب ڈیسک

09th Jul, 2023. 12:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معاشی بحران سے ہمیں صرف دعائیں ہی نکال سکتی ہیں، گورنر سندھ

گورنر سندھ کامران ٹیسوری نے کہا ہے کہ معاشی بحران سے ہمیں صرف دعائیں ہی نکال سکتی ہیں۔

تفصیلات کے مطابق گورنر کامران ٹیسوری نے کراچی میں میڈیا سے گفتگو کرتے ہوئے کہا کہ آج اللہ تعالیٰ نے مجھے توفیق دی میں نے عرس کا افتتاح کیا، ہر بار عبداللہ شاہ کے وسیلے سے طوفان ٹل جاتے ہیں۔

انہوں نے کہا کہ آنے والے وقت میں پاکستان کی معیشت بہتر سے بہتر ہوگی، ہم بہت مشکل دور سے گزر رہے ہیں، ہمیں ایسا کچھ کرنا ہے کہ پاکستان اپنے پیروں پر کھڑا ہوسکے۔

کامران ٹیسوری نے کہا کہ ہم اپنے مسائل لے کر بزرگان دین کے مزاروں پر جاتے ہیں، بزرگان دین کی دعاؤں سے ہم ہمیشہ بچ جاتے ہیں۔

یہ بھی پڑھیں: گورنر سندھ نے دنیا کی پہلی قوالی اکیڈمی کا افتتاح کر دیا

انکا کہنا ہے کہ معاشی بحران سے ہمیں صرف دعائیں ہی نکال سکتی ہیں، جو حالات تھے پڑوسی ملک دیکھ رہے تھے ہم کب ڈیفالٹ کرجائیں۔

گورنر سندھ نے مزید کہا کہ کورونا اور سیلاب کے باعث تباہی ہوئی، پاکستان میں جلد معاشی استحکام ہوگا، وزیراعظم اور اسحاق ڈار نے آئی ایم ایف سے ڈیل کی، ہم ڈیفالٹ سے بچ گئے۔