وزیر اعظم کے مشیر برائے امور کشمیر و گلگت بلتستان قمر زمان کائرہ نے کہا ہے کہ سیاحت کا شعبہ پاکستان کی معیشت کے لیے انتہائی اہمیت کا حامل ہے۔
تفصیلات کے مطابق وزیر اعظم کے مشیر برائے امور کشمیر و گلگت بلتستان قمر زمان کائرہ کی زیر صدارت آن لائن اجلاس ہوا جس میں گلگت بلتستان بلخصوص شائراہ قراقرم پر بڑھتے ہوئے ٹریفک حادثات کی روک تھام کے لیے اقدامات پر غور کیا گیا اور حادثات کی روک تھام کے لیے گلگت بلتستان کی اہم شاہراہوں پر موٹر وے پولیس تعینات کرنے کا فیصلہ بھی کیا گیا۔
چیف سیکرٹری گلگت بلتستان نے حالیہ سیزن میں پیش آنے والے حادثات اور اقدامات سے اجلاس کے شرکاء کو آگاہ کیا۔
اجلاس میں سیکرٹری اُمور کشمیر، چیف سیکرٹری گلگت بلتستان، آئی جی موٹر ویز، آئی جی گلگت بلتستان نے بھی شرکت کی۔
وزیر اعظم کے مشیر برائے امور کشمیر و گلگت بلتستان قمر زمان کائرہ نے کہا کہ وزیراعظم پاکستان محمد شہباز شریف نے آئے روز حادثات پر اپنی گہری تشویش کا اظہار کیا ہے، وزیراعظم نے ہدایات جاری کی ہیں کہ ان حادثات کی روک تھام کے لیے فوری اقدامات اٹھائے جائیں۔
انہوں نے کہا کہ حادثات کا شکار بیشتر افراد ان علاقوں کی سیر کرنے والے سیاح ہیں، سیاحوں کی کثیر تعداد اور ڈرائیورز کھٹن راستوں پر ڈرائیونگ کی مکمل مہارت نہیں رکھتے ہیں، سیاحوں کو دشوار گزار راستوں کے ممکنا خطرات سے پیشگی خبردار کیا جائے۔
ان کا کہنا تھا کہ موٹر وے پولیس کے اعلی حکام چوبیس گھنٹے کے اندر گلگت بلتستان کا دودہ کریں گے اور حادثات کی روک تھام کے لیے تفصیلی تجاویز وزیراعظم کے سامنے پیش کی جائیں گی۔
وزیر اعظم کے مشیر برائے امور کشمیر و گلگت بلتستان قمر زمان کائرہ نے کہا کہ حادثات ہونے کے خطرات والی جگہوں پر سائن بورڈز نمایاں آویزاں کیے جائیں، اہم شاہراہوں پر سائن بورڈز اور حفاظتی دیواروں کی تعمیر یقینی بنائی جائے۔
انہوں نے کہا کہ سیاحت کا شعبہ پاکستان کی معیشت کے لیے انتہائی اہمیت کا حامل ہے، سیاحت کے فروغ کے لیے ان علاقوں کو سیاحوں کے لیے محفوظ بنانا ضروری ہے، حالیہ حادثے میں زخمی ہونے افراد کو صحت کی بہترین سہولیات فراہم کی جائیں۔
چیف سیکرٹری گلگت بلتستان نے کہا کہ گلگت بلتستان حکومت ان حادثات میں قیمتی جانوں کی حفاظت کے لیے ہر ممکن اقدامات اٹھائے گی، اہم مقامات پر موٹر وے پولیس کی تعیناتی میں صوبائی حکومت ہر ممکن تعاون کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News