چین کے نائب وزیر اعظم ہی لائفنگ تین روزہ دورے پر کل پاکستان پہنچ رہے ہیں۔

تفصیلات کے مطابق ترجمان دفتر خارجہ کا کہنا ہے کہ چین کے نائب وزیر اعظم سی پیک کی 10 سالہ تقریبات میں شرکت کریں گے۔

سی پیک کی دسویں سالگرہ کی تقریبات میں شرکت کیساتھ چینی نائب وزیراعظم، صدر مملکت ڈاکٹر عارف علوی اور وزیر اعظم شہباز شریف سے ملاقاتیں بھی کریں گے۔

نائب چینی وزیر اعظم نے سی پیک اور پاک چین اقتصادی تعلقات میں اہم کردار ادا کیا، وہ سی پیک منصوبوں پر عمل درآمد میں بھی متحرک رہے۔

ترجمان دفتر خارجہ نے چینی نائب وزیر اعظم کے دورے کو دونوں ممالک کے درمیان اعلیٰ سطح کے رابطوں کی اہم کڑی اور پاک چین دوستی کو مزید مضبوط بنانے کا عکاس قرار دیا ہے۔

دوسری جانب غیر ملکی وفد کی پاکستان آمد کے باعث اسلام آباد میں 31 اور یکم اگست کوعام تعطیل کی سفارش کر دی گئی جبکہ ضلعی انتظامیہ نے دو چھٹیوں کی سمری وزرات داخلہ کو بھجوا دی۔

حکام کے مطابق معزز مہمانوں کی آمد پر اسلام آباد میں سیکیورٹی کے فول پروف غیر معمولی انتظامات کئے جائیں گے۔

وزرات داخلہ کی منظوری کے بعد چھٹیوں کا نوٹیفکیشن جاری ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں