چیئرمین پی ٹی آئی عمران خان کے وارنٹ گرفتاری پر تعمیل کی رپورٹ الیکشن کمیشن میں جمع کرا دی گئی ہے۔

تفصیلات کے مطابق الیکشن کمیشن ممبر نثار درانی کی سربراہی میں چار رکنی کمیشن کی سماعت ہوئی۔

چیئرمین پی ٹی آئی کے ساتھ ان کے وکیل شعیب شاہین، نعیم پنجوتھا الیکشن کمیشن پیش ہوئے۔

وکیل شعیب شاہین نے کہا کہ چیئر مین پی ٹی آئی الیکشن کمیشن پیش ہو گئے ہیں، ہمیں الیکشن کمیشن سے کوئی نوٹس موصول نہیں کوا، میڈیا کے ذریعے چیئرمین پی ٹی آئی کی طلبی کا پتہ چلا۔

ممبر نثار درانی نے کہا کہ آج چیئرمین پی ٹی آئی پر چارج فریم ہونا تھا۔

وکیل شعیب شاہین نے جواب دیتے ہوئے کہا کہ الیکشن کمیشن پہلے ہمارے اعتراضات پر فیصلہ کرے، میں گزشتہ سماعت سے چیئرمین پی ٹی آئی کا وکیل مقرر ہوا ہوں، مجھے کیس کی فائلیں پڑھنے کا موقع دیا جائے۔

ممبر نثار درانی نے کہا کہ 2 اگست کو چیئرمین پی ٹی آئی پر فرد جرم عائد کریں گے، آئندہ سماعت پر بھی چیئرمین پی ٹی آئی ذاتی حیثیت میں پیش پوں۔

وکیل شعیب شاہین نے جواب دیتے ہوئے کہا کہ الیکشن کمیشن کے احکامات پر عملدرآمد کے پابند ہیں۔

الیکشن کمیشن نے کیس کی سماعت 2 اگست تک ملتوی کر دی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں