سابق صوبائی وزیر سعید غنی نے کہا ہے کہ ہم قرآن پاک کی بے حرمتی پر قانونی آواز اٹھا رہے تھے، اس کی آڑ میں گرجا گھر جلانے کا کوئی جواز نہیں۔
تفصیلات کے مطابق سعید غنی نے پریس کانفرنس میں کہا کہ جڑانوالہ واقعہ انتہائی افسوسناک ہے، ہمارہ دین اس کی اجازت نہیں دیتا، ہم آج بشپ صاحب کے پاس اظہار یکجہتی کیلئے حاضر ہوئے، اگر کوئی شخص کسی حوالے سے بے حرمتی کرتا ھے قانون اس سے نمٹے گا۔
سعید غنی نے کہا کہ دین ایک واقعے کو جواز بنا کر بائیبل اور چرچ کو جلانے کی اجازت نہیں دیتا، قرآن پاک کو جلایا گیا تو ہم اس کی مذمت کر رہے تھے مگر اسی طرح ہمارے ملک میں کچھ جاہلوں نے یہ واقعہ کر دیا، پنجاب حکومت نے کہا ہے کہ ان تمام لوگوں کو سخت سزا ملے گی کیونکہ اس ملک میں جتنے حقوق مسلمان کو حاصل ہیں اتنے ہی غیر مسلموں کو بھی حاصل ہیں۔
ان کا کہنا تھا کہ ہم غیر مسلموں کو یقین دلاتے ہیں کہ پوری پاکستانی قوم ان کے ساتھ ہے، آئندہ ایسے واقعات کو ہونے سے روکنا ہے، نفرتیں پھیلانے والے لوگ بہت تھوڑے ہیں، ایسے لوگوں کو بہت سخت سزا دی جائے گی۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News