کراچی میں مزار قائد پر گارڈز کی تبدیلی کی پروقار تقریب منعقد ہوئی۔

تفصیلات کے مطابق 76 ویں یوم آزادی اور 14 اگست کے موقع پر بانی پاکستان قائد اعظم محمد علی جناح کے مزار پر گارڈز کی تبدیلی کی پروقار تقریب منعقد ہوئی، اس موقع پر پاکستان نیول اکیڈمی کے کیڈٹس نے اعزازی گارڈز کی ذمہ داریاں سنبھال لیں، تاہم پاکستان نیول اکیڈمی کے کیڈٹس ہر سال 14 اگست کو یہ ذمہ داری سنبھالتے ہیں۔

اعزازی گارڈ کی تعیناتی کی تقریب کے مہمان خصوصی  کمانڈنٹ پاکستان نیول اکیڈمی کموڈور محمد خالد تھے۔

اعزازی گارڈ میں دو دستے شامل ہیں، ایک دستہ پاک بحریہ کے سیلرز پر مشتمل ہے جبکہ دوسرا دستہ پاکستان نیول اکیڈمی کے کیڈٹس پر مشتمل ہے۔

علاوہ ازیں دستوں کی مزار قائد پر حاضری کے موقع پر لیفٹیننٹ کمانڈر شہریار جعفر نے پرڈ کمانڈر کے فرائض سرانجام دیے۔

پریڈ کے دوران گارڈ کی جانب سے قائد اعظم کو قومی سلام پیش کیا گیا، جس کے بعد مہمان خصوصی نے گارڈ کی تعیناتی کا حکم دیا

اس موقع پر وزیراعلیٰ سندھ مراد علی شاہ نے گورنر سندھ کامران ٹسوری کے ساتھ قائد اعظم کی مزار پر پھولوں کی چادر چڑھائی اور دعا کی اور مہمانوں کی کتاب میں اپنے تاثرات بھی قلمبند کیے۔

دوسری جانب مہمان خصوصی پاکستان نیول اکیڈمی کے کمانڈنٹ کموڈور محمد خالد نے بھی مزار قائد پر پھولوں کی چادر چڑھائی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں