استحکام پاکستان پارٹی (آئی پی پی) کے دعوے بڑے بڑے اور کام صفر ہے۔ استحکام پاکستان پارٹی انتظامی ڈھانچہ مکمل کرنے میں ناکام ہوگئی ہے۔

اس حوالے سے ذرائع نے بتایا کہ ضلعی سطح پر تنظیمی ڈھانچوں کو تاحال متحرک اور فعال نا کیا جا سکا جبکہ ضلعی کمیٹیوں کو بھی ابھی تک فعال نا کیا جا سکا۔

ذرائع کا کہنا مزید ہے کہ استحکام پاکستان پارٹی نے چودہ اگست پر اپنے ضلعی دفاتر کو بھی فعال کرنا تھا مگر ان کو بھی فعال نا کر سکی۔

واضح رہے کہ چند روز قبل استحکام پاکستان پارٹی کی ترجمان فردوس عاشق اعوان نے کہا تھا کہ چیئرمین پی ٹی آئی کے اپنے لوگ ان کے خلاف اب وعدہ معاف گواہ بن کر سامنے آ رہے ہیں، استحکام پاکستان پارٹی 14 اگست سے باضابطہ طور پر اپنا سیاسی سفر شروع کرے گی۔

انکا کہنا تھا کہ سیاسی ومعاشی محاذ پر پاکستان کو بہت سے چیلنجز درپیش ہیں، استحکام پاکستان پارٹی کا منشور ملک کی بگڑی سیاسی و معاشی صحت کو بہتر کرنے کا نسخہ ہے۔

فردوس عاشق اعوان نے کہا تھا کہ سیاست کا منظرنامہ اگست میں بدلے گا، 14 اگست سے باضابطہ طور پر سیاسی سفر بھرپور طریقے سے شروع کریں گے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں