اے این ایف نے منشیات اسمگلنگ کے خلاف کریک ڈاؤن کر کے 5 ملزمان کو گرفتار کر لیا ہے۔

تفصیلات کے مطابق ترجمان اے این ایف نے اپنے جاری کردہ بیان میں کہا کہ مختلف کارروائیوں میں 266 کلوگرام سے زائد منشیات اور 20250 لیٹر ممنوعہ کیمیکل کے ساتھ 5 ملزمان کو گرفتار کیا گیا ہے۔

اے این ایف کے ترجمان نے کہا کہ اسلام آباد ایئرپورٹ کے قریب نجی ہاؤسنگ سوسائیٹی میں گاڑی سے 30 کلو افیون اور 100 کلو 800 گرام چرس برآمد ہوئی، کُری روڈ اسلام آباد پر کراچی کے رہائشی ملزم سے 100 نشہ آور گولیاں برآمد، کراچی میں واقع کوریئر آفس میں دو پارسلز سے مجموعی طور پر 1 کلو 320 گرام آئس برآمد، کراچی کے کوریئر آفس میں بحرین بھیجے جانیوالے پارسل سے 270 گرام آئس برآمد، حب کے قریب گاڑی کے خفیہ خانوں میں چھپائی گئی 122 کلو چرس برآمد کر لی گئی۔

ادارے کے ترجمان نے کہا کہ دو ملزمان منشیات کوئٹہ سے کراچی اسمگل کرنے کی کوشش میں گرفتار ہوئے ہیں، چمن سے 15000 لٹر ہائیڈرو کلورک ایسڈ اور 5250 لٹر گندھک کا تیزاب برآمد ہوا، مذکورہ کیمیکل کلی عبد الرحمن میں اسمگلنگ کی غرض سے چھپایا گیا تھا، پشاور ایئرپورٹ پر کارروائی میں ملزم کے پیٹ سے 50 ہیروئن بھرے کیپسولز برآمد ہوئے، خیبر کے علاقے زخا خیل سے اسمگلنگ کے لئے چھپائی گئی 12 کلو چرس برآمد کر لی گئی۔

ترجمان نے کہا کہ گرفتار ملزمان کے خلاف انسدادِ منشیات ایکٹ کے تحت مقدمات درج کر کے مذید تحقیقات کا آغاز کر دیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں