وفاقی دارالحکومت اسلام آباد میں ڈینگی کیسز میں اضافہ ہونے لگا۔ گزشتہ جوبیس گھنٹوں کے دوران اسلام اباد میں ڈینگی کے 4 کیسز رپورٹ ہوئے ہیں۔

ڈسٹرکٹ  ہیلتھ اتھارٹی (ڈی ایچ او) کے مطابق اسلام آباد میں ڈینگی سے متاثرہ مریضوں کی مجموعی تعداد 37 ہو گئی ہے۔ تاہم رواں سیزن ڈینگی سے متاثر ہونے والے مریضوں میں 76 فیصد مرد جبکہ 24 فیصد خواتین شامل ہیں۔

ڈی ایچ او کا کہنا ہے کہ اسلام آباد کے دیہی علاقوں میں گزشتہ جوبیس گھنٹوں کے دوران 3 کیسز رپورٹ ہوئے جس کے بعد دیہی علاقوں میں ڈینگی کیسز کی مجموعی تعداد 24 ہو گئی۔

اس کے علاوہ اسلام آباد کے شہری علاقوں میں گزشتہ جوبیس گھنٹوں کے دوران ڈینگی سے 1 شخص متاثر ہوا جبکہ اب تک 13 افراد متاثر ہوچکے ہیں۔

ڈی ایچ او نے مزید بتایا کہ پمز اسپتال میں ڈینگی سے متاثرہ 2 شخص زیر علاج ہے جبکہ ہولی فیملی اسپتال میں 7 جبکہ ڈی ایچ کیو اسپتال میں 8 ڈینگی کے مریض زیر علاج ہیں اور اسلام اباد کے پرائیوٹ اسپتالوں میں ڈینگی سے متاثرہ 18 مریض زیر علاج ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔