نگران وزیر اعلیٰ سندھ جسٹس (ر) مقبول باقر نے کہا ہے کہ کام میں تاخیر کے باعث اسکیموں کی لاگت بڑھ جاتی ہے۔

تفصیلات کے مطابق نگران وزیر اعلیٰ سندھ جسٹس (ر) مقبول باقر کی زیر صدارت ورکس اینڈ سروسز کا اجلاس ہوا جس میں گھوٹکی-کندھ کوٹ پل پبلک پرائیوٹ پارٹنرشپ کے بارے میں بریفنگ دی گئی۔

بریفنگ میں کہا گیا کہ گھوٹکی-کندھ کوٹ پروجیکٹ کی پل 12.2 کلومیٹر اور روڈ 35.4 کلومیٹر ہو گا، گھوٹکی اور کشمور دونوں اطراف سے منصوبے پر کام شروع کیا گیا تھا مگر امن امان کے باعث کام بند ہے۔

نگراں وزیراعلیٰ سندھ نے 4 ماہ سے کام کے بند ہونے پر برہمی کا اظہار کرتے ہوئے کہا کہ گھوٹکی-کندھ کوٹ پل کا کام فوری طور پر شروع کیا جائے، کام کی کوالٹی کو برقرار رکھا جائے، پروجیکٹ پر کام کرنے والے عملے کو پولیس اور رینجرز سے تحفظ دلانے کو یقینی بنایا جائے۔

جسٹس (ر) مقبول باقر کا اس موقع پر کہنا تھا کہ کام میں تاخیر کے باعث اسکیموں کی لاگت بڑھ جاتی ہے، لنک روڈ کا کام جلد مکمل کیا جائے۔

اجلاس میں چیف سیکریٹری ڈاکٹر فخر عالم، چیئرمین پی اینڈ ڈی شکیل منگریجو، پرنسپل سیکریٹری آغا واصف، سیکریٹری خزانہ کاظم جتوئی، سیکریٹری ورکس اینڈ سروسز نواز سوہو اور دیگر متعلقہ افسران شریک ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں