اسلام آباد: پرندوں سے جہاز اور ہوائی سفر کو محفوظ بنانے کیلئے پاکستان سول ایوی ایشن (سی اے اے) نے اہم فیصلہ کرلیا ہے۔
تفصیلات کے مطابق سی اے اے کی جانب سے ملک کے 3 بڑے انٹرنیشنل ایئرپورٹس پر پرندوں سے جہازوں کو بچانے کیلئے جدید خودکار نظام نصب کرنے کا فیصلہ کیا گیا ہے۔
اس حوالے سے سول ایوی ایشن اتھارٹی نے درخواستیں طلب کرلی ہیں۔
ترجمان سی اے اے کا کہنا ہے کہ 28 ستمبر کو ٹینڈر کھولے جائیں گے، پہلے مرحلے میں لاہور ایئرپورٹ شامل ہے اور وہاں پر اس سسٹم کی افادیت کے نتائج کو دیکھتے ہوئے اسلام آباد اور کراچی مرحلوں پر فیصلہ ہوگا۔
ترجمان نے بتایا کہ اسلام آباد انٹر نیشنل ایئرپورٹ، جناح انٹر نیشنل اور علامہ اقبال انٹر نیشنل ایئرپورٹ پر جدید خودکار نظام نصب ہوں گے۔
سول ایوی ایشن کے ترجمان نے مزید کہا کہ کراچی اور لاہور ایئرپورٹ کے اطراف کی آبادیوں میں گندگی کے باعث پرندے ایئرپورٹ کی طرف راغب ہوتے ہیں، پرندوں کی تعداد میں اضافہ محفوظ ہوائی سفر کیلئے چیلینج ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News