پاکستان تحریک انصاف کے مرکزی رہنما علی محمد خان نے کہا ہے کہ مولانا فضل الرحمان سے کوئی ہماری سیاسی بات نہیں ہوئی، ہم مولانا فضل الرحمان کے پاس تعزیت کرنے گئے تھے۔
تفصیلات کے مطابق نجی ٹی وی پروگرام میں گفتگو کرتے ہوئے علی محمد خان کا کہنا تھا کہ ہم مولانا فضل الرحمان کے پاس تعزیت کرنے گئے تھے، اُن سے ہماری کوئی سیاسی بات نہیں ہوئی، ہم نے مولانا کے ساتھ نمازپڑھی ہے، ملاقات کا مقصد صرف تعزیت کرنا تھا۔
انہوں نے کہا کہ چیئرمین پی ٹی آئی کی جانب سے اتحاد کیلئے کوئی ڈائریکشن نہیں آئی، اسد قیصر پی ٹی آئی کی پولیٹکل کمیٹی کے ہیڈ ہیں، کمیٹی نے شیرانی صاحب کیساتھ بھی میٹنگ کی ہے۔
ان کا کہنا تھا کہ پاکستان تحریک انصاف؛ پیپلز پارٹی اور ن لیگ کے ساتھ کبھی اتحاد نہیں کر سکتی لیکن ہم صاف شفاف الیکشن کیلئے بات کرنے کیلئے تیار ہیں، سیاسی جماعتوں کو آپس میں بیٹھ کر بات کرنی چاہئے، ماضی میں تمام سیاسی جماعتوں کو تکلیف پہنچی ہے۔
علی محمد خان نے کہا کہ 2014 میں ہم اور 2018 میں یہ لوگ دھاندلی کا شکوہ کرتے رہے، فری اینڈ فیئر الیکشن ہوں اور عوام کو فیصلہ کرنے دیں، جو حالات ہیں الیکشن کے نہ ہونے کا آپشن ہے ہی نہیں، الیکشن ضرور ہوں گے، عوام جس کو ووٹ دیں اس کو پانچ سال حکومت کرنے دیں۔
انہوں نے کہا کہ نواز شریف کو جس طرح ویلکم ملا ہے اس پر شکوک و شبہات پیدا ہوئے، میرے خیال میں کوئی جمہوری لیڈر اس طرح کا ویلکم پسند نہیں کرتا، جمہوری آدمی جمہوری طریقے سے آتا ہے۔
ان کا کہنا تھا کہ نواز شریف کو چاہئے تھا کہ سیدھا جیل جاتے، سزا یافتہ شخص کو سلوٹ کیا گیا، ایئرپورٹ پر سرکاری لوگ استقبال کیلئے آئے، اتنی تیزی سے مہنگائی اوپر نہیں جاتی جتنی تیزی سے نواز شریف کو ریلیف مل رہا۔
پاکستان تحریک انصاف کے مرکزی رہنما علی محمد خان نے مزید کہا کہ ہمارے لیے تو چیئرمین تحریک انصاف ہی فائنل اتھارٹی ہیں، دیکھتے ہیں وہ کیا فیصلہ کرتے ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News