سابق وزیراعظم اور پاکستان مسلم لیگ (ن)  کے صدر شہباز شریف نے کہا ہے کہ 16 ماہ کی حکومت میں ملک کا نقصان نہیں ہونے دیا۔

تفصیلات کے مطابق سابق وزیراعظم اور پاکستان مسلم لیگ (ن)  کے صدر شہباز شریف نے ایم کیو ایم کے وفد کی قائد محمد نواز شریف سے ملاقات کے موقع پر اظہار خیال کرتے ہوئے کہا کہ 16 ماہ کی مخلوط حکومت میں ایم کیو ایم نے بڑے بھرپور اور مثبت انداز میں ساتھ دیا، ایم کیو ایم کے تعاون کے حوالے سے قائد نواز شریف کو آگاہ کرتا رہا ہوں۔
انہوں نے کہا کہ کراچی کے عوام کے لئے مختلف ترقیاتی منصوبوں پر کام کیا، کے فور، یونیورسٹی سمیت دیگر منصوبوں کے لئے اربوں روپے فراہم کئے گئے، کراچی کے عوام کی سہولت کے منصوبے نوازشریف کے دل کے ہمیشہ قریب رہے ہیں، بڑی کمٹمنٹ کے ساتھ نوازشریف نے کراچی کا امن بحال کیا تھا، مستقبل میں ایم کیو ایم کے تعاون اور اشتراک سے کراچی اور سندھ کے عوام کی بھرپور خدمت کریں گے۔

سابق وزیراعظم اور پاکستان مسلم لیگ (ن)  کے صدر شہباز شریف نے مزید کہا کہ 16 ماہ کے دوران ہم نے سیاسی نقصان کی پرواہ نہیں کی، پاکستان کا نقصان نہیں ہونے دیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں