پاکستان نے روس کے خلاف پابندیوں کا حصہ بننے سے انکار کر دیا۔
تفصیلات کے مطابق ماسکو میں پاکستانی سفیر محمد خالد جمالی نے روسی خبر رساں ادارے کو اہم انٹرویو دیتے ہوئے کہا کہ پاکستان نے روس کے ٹاپی گیس پائپ لائن منصوبے میں شرکت کا خیرمقدم کیا، پاکستان روس سے بڑی مقدار میں مزید خام تیل بھی خریدے گا، آئندہ عام انتخابات میں کوئی بھی جیتے پاکستان روس کے خلاف پابندیوں کی حمایت نہیں کرے گا۔
پاکستانی سفیر محمد خالد جمالی نے کہا کہ روس مخالف پابندیاں پاکستان کے اقتصادی مفاد میں نہیں،ہماری دوطرفہ تجارت بڑھ رہی ہے، رواں برس روس سے پاکستانی برآمدات میں 154 فیصد کا اضافہ ہوا، آئندہ عام انتخابات کے نتائج سے قطع نظر پاک روس تعلقات بہتری کی راہ پر گامزن رہیں گے، پاکستان کو ٹاپی گیس منصوبے میں روس کی شمولیت پر کوئی اعتراض نہیں۔
محمد خالد جمالی نے کہا کہ پاکستان خام تیل کی خریداری کے لئے روس سے طویل المدت سمجھوتے کا خواہاں ہے، پاکستان روس سے سستا خام تیل حاصل کر سکتا ہے، پاکستان ابتدائی طور پر روس سے اپنی ضرورت کا 10 فیصد خام تیل حاصل کرنا چاہتا ہے، خام تیل کی خریداری کے لئے پاک روس مذاکرات آگے بڑھ رہے ہیں، پاکستان دوطرفہ تجارت کے لئے روس کے ساتھ میر پیمنٹ سسٹم اور ٹرانزایکشنز کے لئے قومی کرنسیوں کے استعمال کے لئے بات چیت پر تیار ہے۔
واضح رہے کہ پاکستان کے ایڈیشنل سیکرٹری خارجہ (یورپ) سلیم احمد خان دسمبر میں ماسکو کا دورہ کریں گے، تزویراتی استحکام کے لئے پاک روس مذاکرات کا دورہ بھی ماسکو میں ہو گا۔
روسی حکومت نے پاکستان کے ڈی جی آرمز کنٹرول کو دورہ ماسکو کی دعوت دی ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News