مسلم لیگ (ن) کے سابق چیئرمین سید ابرار شاہ کو اسلام آباد میں نامعلوم افراد نے گاڑی پر فائرنگ کر کے قتل کردیا۔
تفصیلات کے مطابق فائرنگ کا واقعہ اسلام آباد کے علاقے لہتراڑ روڈ پر پیش آیا، جہاں ملزمان نے سابق یوسی چیئرمین جھنگ سید ابرار شاہ کی گاڑی پر اندھا دھند فائرنگ کی جس کے نتیجے میں سید ابرار شاہ، ان کا بیٹا، ملازم اور گارڈ موقع پر جاں بحق ہوگئے۔
واقعے کی اطلاع ملنے پر پولیس کی بھاری نفری موقع پر پہنچ گئی اور لاشوں کو اسپتال منتقل کر دیا گیا۔
جاں بحق ہونے والے دیگر افراد کی شناخت رفاقت، سید علی شیر اور صاحب گل کے ناموں سے ہوئی ہے۔
فائرنگ کے بعد ملزمان موقع سے فرار ہونے میں کامیاب ہو گئے۔
جائے وقوعہ کا جائزہ لینے کے بعد پولیس کا کہنا ہے کہ قتل کی واردات سابق دشمنی کا شاخسانہ معلوم ہوتی ہے، ملزمان کی تلاش شروع کر دی گئی، جلد گرفتار کر لیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News