معروف پاکستانی سیاسی شخصیت کو قتل کردیا گیا

ویب ڈیسک

06th Dec, 2023. 02:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف پاکستانی سیاسی شخصیت کو قتل کردیا گیا

مسلم لیگ (ن) کے سابق چیئرمین سید ابرار شاہ کو اسلام آباد میں نامعلوم افراد نے گاڑی پر فائرنگ کر کے قتل کردیا۔

تفصیلات کے مطابق فائرنگ کا واقعہ اسلام آباد کے علاقے لہتراڑ روڈ پر پیش آیا، جہاں ملزمان نے سابق یوسی چیئرمین جھنگ سید ابرار شاہ کی گاڑی پر اندھا دھند فائرنگ کی جس کے نتیجے میں سید ابرار شاہ، ان کا بیٹا، ملازم اور گارڈ موقع پر جاں بحق ہوگئے۔

واقعے کی اطلاع ملنے پر پولیس کی بھاری نفری موقع پر پہنچ گئی اور لاشوں کو اسپتال منتقل کر دیا گیا۔

جاں بحق ہونے والے دیگر افراد کی شناخت رفاقت، سید علی شیر اور صاحب گل کے ناموں سے ہوئی ہے۔

فائرنگ کے بعد ملزمان موقع سے فرار ہونے میں کامیاب ہو گئے۔

جائے وقوعہ کا جائزہ لینے کے بعد پولیس کا کہنا ہے کہ قتل کی واردات سابق دشمنی کا شاخسانہ معلوم ہوتی ہے، ملزمان کی تلاش شروع کر دی گئی، جلد گرفتار کر لیں گے۔