امیر جماعت اسلامی کراچی حافظ نعیم الرحمان نے کہا ہے کہ میئر کراچی کے خلاف عدم اعتماد کی تیاری شروع کردی ہے۔

حافظ نعیم الرحمان نے کراچی میں پریس کانفرنس کرتے ہوئے کہا کہ پیپلز پارٹی کی سندھ میں حکومت نہیں بنے گی، یہ پیپلز پارٹی نہیں بلکہ مافیائی پارٹی ہے، اب کراچی کو وڈیرہ شاہی نظام سے پاک ہونا چاہیے۔

انہوں نے کہا کہ ہم نے تحریک عدم اعتماد کی تیاری شروع کردی ہے، وہ وفاق میں تحریک عدم اعتماد لاسکتے ہیں تو ہم بلدیہ میں کیوں نہیں؟ اور مناسب وقت پر ہم عدم اتحاد میں پاسکتے ہیں، ہم پارٹیوں سے بات چیت کریں گے۔

امیر جماعت اسلامی نے کہا کہ 14 دسمبر بلدیات کو ایک سال ہوگیا، وائٹ پیپر شائع کریں گے، سندھ الیکشن کمشنر کا ٹرانسفر کردیا گیا ہے جو خوش آئند ہے۔

حافظ نعیم الرحمان نے کہا کہ سٹی کونسل میں ہم نے تعاون کی پیشکش کی ہے، ہم ان تحفظات کے باوجود کراچی کے لئے اس کونسل کو چلانا چاہتے ہیں اور مرتضیٰ وہاب اپنی آمرانہ سوچ کے تحت کونسل کو چلانا چاہتے جو انتہائی افسوسناک ہے۔

انکا کہنا تھا کہ 15 سال پیپلز پارٹی نے اس شہر کو مکمل طور پر تباہ کردیا، راؤ انوار کے انٹرویو کی روشنی میں سب کو فکسڈ کیا جائے، اس ضمن میں تحقیقات ہونی چاہیے تاکہ سب کچھ واضح ہو۔

نعیم الرحمان نے مزید کہا کہ 2097 میں بے نظیر کو شہید کیا گیا تھا اس کے بعد زرداری صاحب صدر بنے تھے، آپنی حکومت میں بی نظیر کے قتل کی تحقیقات کیوں نہیں کی گئیں اس کی بھی تحقیقات کی جائے، 5 سال آصف زرداری نے اپنی حکومت میں یہ تحقیقات کیوں نہیں کیں۔