اسلام آباد: نان فائلرز کی سمز بلاک کرنے کے معاملے پر پی ٹی اے اور ایف بی آر میں ٹھن گئی۔
5 لاکھ سے زائد نان فائلرز کی سمز بلاک کرنے کے معاملے پر فیڈرل بورڈ آف ریونیو اور پاکستان ٹیلی کمیونیکیشن اتھارٹی کے درمیان ٹھن گئی ہے جب کہ پی ٹی اے نے 5 لاکھ سے زائد سمز بلاک کرنے کی مخالفت کردی ہے۔
پی ٹی اے ذرائع کا کہنا ہے کہ نان فائلرز کی سمز بلاک کرنے کا عمل ہمارے نظام سے مطابقت نہیں رکھتا، بڑی تعداد میں خواتین مرد حضرات کے نام پر سمز استعمال کرتی ہیں جب کہ قانونی طور پر پی ٹی اے سمز بلاک کرنے کا پابند نہیں۔
ذرائع نے بتایا کہ نان فائلرز کو نئی سمز کے اجراء پر کوئی پابندی نہیں لگائی جارہی، ٹیکس نیٹ میں آنے والوں کی سمز بحال کرنے کا کیا طریقہ کار ہوگا۔
پی ٹی اے کا جواب میں کہنا ہے کہ سمز بلاک کرنے سے ڈیجیٹلائزیشن کو نقصان پہنچے گا جب کہ بڑی تعداد میں سمز بلاک کرنے سے ٹیلی کام معیشت کو نقصان پہنچے گا۔
ایف بی آر ذرائع کا کہنا ہے کہ سمز بلاک کرنے کے حوالے سے طریقہ کار طے کیا جائے گا اور فائلرز کی سمز کی بحالی کیلئے بھی طریقہ کار طے کیا جائے گا۔
ایف بی آر نے موقف اختیار کیا ہے کہ سمز بلاک کرنے سے نان فائلرز کی حوصلہ شکنی ہوگی جب کہ پی ٹی اے کا کہنا ہے کہ سمز بلاک کرنے کے علاوہ دیگر قانونی آپشنز پر غور کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News