صدر وائے ایم اے حارث کھوکھر کا کہنا ہے کہ ینگ میڈیا ایسوسی ایشن نوجوان صحافیوں کے تحفظ  کیلئے قائم کی گئی ہے۔

تفصیلات کے مطابق وائے ایم اے کے زیر اہتمام بورڈ آف ڈائریکٹر ز کے اعزاز میں اعشائیہ کا اہتمام کیا گیا۔

 اعشائیہ میں سینئر صحافی و تجزیہ نگار مجیب الرحمن شامی،موٹیویشنل سپیکر قاسم علی شاہ، کالم نگار توفیق بٹ،سینئر صحافی شاہد نذیر چوہدری، شیراز حسنات، حافظ احمد ، سابق صدر پریس کلب ارشد انصاری ،اینکر پرسن زوہیب سلیم  بٹ اور میاں عمران ارشد نے شرکت کی۔

  اس کے علاوہ عاطف بھٹی، سینئر کورٹ رپوٹر شاکر اعوان، سینئر صحافی احمد ابوبکر، ڈاکٹر حامد کھوکھر ،ڈاکٹر متین کھوکھر، صدر ینگ میڈیا ایسوسی حارث کھوکھر، سیکرٹری جنرل محسن شہزاد مغل، سنیئر نائب صدر ڈاکٹر نبیہہ علی خان، نائب صدر زوہیب طاہر خان اور سیکرٹری انفارمیشن کلیم حفیظ نے شرکت کی۔

اس موقع پرصدر ینگ میڈیا ایسوسی ایشن حارث کھوکھر نے کہا کہ یہ تنظیم ینگ نوجوان صحافیوں کی حوصلہ افزائی اور تحفظ  کے لیے قائم کی گئی ہے۔  جس میں قانونی تحفظ، صحت، تعلیم اور دیگر در پیش مسائل کا حل شامل ہے۔

سیکرٹری جنرل محسن شہزاد مغل نے آنے والے تمام مہمانوں کو خوش آمدید کہا، سینئر نائب صدر ڈاکٹر نبیہہ علی خان نے ینگ میڈیا ایسوسی ایشن کی گزشتہ کارکردگی کے حوالے سے بریف کیا۔

انفارمیشن سیکریٹری کلیم حفیظ نے ینگ میڈیا ایسوسی ایشن کی آفیشل ویب سائٹ کے اقدامات کے حوالے سے اہم گفتگو کی اور فیک نیوز کی روک تھام کے حوالے سے حکمت عملی پیش کی۔

اس موقع پر کالم نگار توفیق بٹ صاحب کی سالگرہ کا کیک بھی  کاٹا گیا۔