8 فروری 2024 کے انتخابات کا فیصلہ عوام کریں گے، شہباز شریف

ویب ڈیسک

23rd Dec, 2023. 09:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

8 فروری 2024 کے انتخابات کا فیصلہ عوام کریں گے، شہباز شریف

سابق وزیراعظم اور پاکستان مسلم لیگ (ن) کے صدر شہباز شریف نے کہا ہے کہ8 فروری 2024 کے انتخابات کا فیصلہ عوام کریں گے۔

تفصیلات کے مطابق سابق وزیراعظم اور پاکستان مسلم لیگ (ن) کے صدر شہباز شریف سے پارٹی رہنماؤں؛ سردار ایاز صادق، خواجہ سعد رفیق، رانا مشہود، رانا ثناءاللہ، سردار اویس خان لغاری اور شاہین بٹ کی ملاقات ہوئی۔

ملاقات میں پارٹی امور اور عام انتخابات کی تیاریوں کے حوالے سے تبادلہ خیال کیا گیا، رہنماؤں نے انتخابی تیاریوں اور اپنے حلقوں میں جاری سرگرمیوں سے پارٹی صدر کو آگاہ کیا۔

شہباز شریف نے پارٹی رہنماؤں کو ہدایت کی کہ انتخابی معرکے کے لئے بھرپور تیاری کی جائے، کارکن گھر گھر جاکر عوام کو متحرک کریں، نواز شریف کا پیغام ہر گھر میں پہنچائیں۔

سابق وزیراعظم اور پاکستان مسلم لیگ (ن) کے صدر شہباز شریف نے کہا کہ 8 فروری 2024 کے انتخابات کا فیصلہ عوام کریں گے، عوام چار سال میں مہنگائی کا ظلم ڈھانے والوں کا سیاسی طور پر صفایا کردیں گے، اللہ تعالیٰ کےفضل اور عوام کی طاقت سے مسلم لیگ (ن) فتح حاصل کرے گی، ہر حلقہ اور اس کے عوام کو متحرک کرنے پر توجہ مرکوز رکھی جائے، انتخابی پرچی بتائے گی عوام کسے چاہتے ہیں، نواز شریف کی قیادت میں ایک بار پھر عوام سے تمام وعدے پورے کریں گے۔