حکومت پنجاب کے وزارتی وفد کی سکھ کمیونٹی سے ملاقات

ویب ڈیسک

28th Jan, 2024. 01:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت پنجاب کے وزارتی وفد کی سکھ کمیونٹی سے ملاقات

لاہور: حکومت پنجاب کے تین رکنی وزارتی وفد نے ٹورنٹو میں سکھ کمیونٹی سے ملاقات کی جس میں مختلف امور پر دو طرفہ تبادلہ خیال کیا گیا۔

اس موقع پر وفد نے سکھ کمیونٹی کے رہنماؤں کو نگران وزیراعلیٰ پنجاب محسن نقوی کا نیک خواہشات کا پیغام دیا۔

ملاقات میں کینیڈا اور پاکستان کے مابین مذہبی سیاحت اور تجارت کے فروغ کیلئے قابل عمل اقدامات کرنے کا اصولی فیصلہ کیا گیا اور سکھ کمیونٹی کی جانب سے ننکانہ صاحب اور کرتارپور میں فائیو اسٹار ہوٹلز بنانے کی تجویز پر اتفاق کیا گیا۔

اس کے علاوہ وفد نے سکھ یاتریوں کی سہولت کے لیے حکومت پنجاب کی جانب سے بنائے گئے خصوصی ٹورازم پورٹل کے آغاز کے بارے میں بھی معلومات فراہم کیں۔

دوران ملاقات وفد نے بتایا کہ پورٹل کے ذریعے بیرون ملک سے آنے والے سکھ یاتری مکمل ٹورازم پیکج حاصل کر سکیں گے، ٹورازم پیکج کے تحت سکھ یاتریوں کے لیے ریاستی سکیورٹی بھی میسر ہو گی۔

حکومت پنجاب کے وزارتی وفد میں وزیر تجارت ایس ایم تنویر، وزیر تعلیم منصور قادر اور وزیر سیاحت عامر میر شامل تھے جبکہ کینیڈین سکھ کمیونٹی کے رہنماؤں کو دورہ پنجاب کا دعوت نامہ بھی دیا گیا۔

یاد رہے کہ صو بائی وزراء اور سکھ کمیونٹی کی ملاقات میں پاکستانی سفارتکار بھی شریک ہوئے۔