عوامی نیشنل پارٹی کا خیبر پختونخوا اسمبلی کے سامنے احتجاج کا اعلان

ویب ڈیسک

27th Feb, 2024. 03:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عوامی نیشنل پارٹی کا خیبر پختونخوا اسمبلی کے سامنے احتجاج کا اعلان

پشاور: عوامی نیشنل پارٹی (اے این پی) نے خیبرپختونخوا اسمبلی اجلاس کے موقع پر احتجاج کا اعلان کردیا ہے۔

عوامی نیشنل پارٹی کی جانب سے احتجاجی تحریک کے سلسلے میں 28 فروری کو صوبائی اسمبلی کے سامنے احتجاج کا اعلان کیا گیا ہے، احتجاجی مظاہرہ کل سہ پہر 2 بجے ہوگا۔

اس حوالے سے صوبائی صدر ایمل ولی خان نے بتایا کہ اے این پی کل خیبر پختونخوا اسمبلی کے سامنے احتجاج کرے گی، اے این پی
کی احتجاجی تحریک سیاست میں فوج کے کردار کے خاتمے کے لئے ہے۔

مزید پڑھیں: ن لیگ کا خیبرپختونخوا اسمبلی میں بھرپور اپوزیشن کا کردار نبھانے کا فیصلہ

ایمل ولی خان نے مزید کہا کہ جمہوریت پسند اور آئین و پارلیمان کی بالادستی پر یقین رکھنے والوں سے شرکت کی اپیل ہے۔

واضح رہے کہ خیبر پختونخوا اسمبلی کا پہلا اجلاس 28 فروری کو طلب کرلیا گیا، تاہم گورنر خیبرپختونخوا کی جانب سے اسمبلی کا اجلاس دن گیارہ بجے طلب کیا گیا۔

دوسری جانب پاکستان مسلم لیگ (ن) نے دوسری اپوزیشن جماعتوں کے ساتھ مل کرخیبرپختونخوا اسمبلی میں بھرپور اپوزیشن کا کردار نبھانے کا فیصلہ کیا ہے۔