متحدہ قومی موومنٹ پاکستان (ایم کیو ایم) پاکستان کے سربراہ خالد مقبول صدیقی نے کہا ہے کہ آج کے نتائج سے پتا چلے گا پچھلی بار الیکشن میں کتنا ظلم ہوا۔

خالد مقبول صدیقی نے کراچی میں میڈیا سے گفتگو کرتے ہوئے کہا کہ کراچی میں 16 نشستوں پر کوئی مقابلہ نہیں ہے، ایم کیو ایم سیاست نہیں عبادت کررہی تھی۔

ابنہوں نے کہا کہ آج کے نتائج سے پتا چلےگا پچھلی بار الیکشن میں کتنا ظلم ہوا،  پاکستان جاگیرداروں اور ظالموں کے قبضے کیلئے نہیں بنا تھا۔

ایم کیو ایم پی کے سربراہ نے مزید کہا کہ جاگیرداروں، موروثی سیاست سے پاکستان کو پاک کرنا ہے۔

یہ بھی پڑھیں: عام انتخابات 2024: ملک بھر میں پولنگ کا عمل جاری

واضح رہے کہ پاکستان بھر میں عام انتخابات 2024 کے لیے پولنگ کے عمل کا آغاز ہوگیا ہے، تاہم پولنگ کا عمل بغیر کسی وقفے کے صبح 8 بجے سے شام 5 بجے تک جاری رہے گا۔

قومی اور چاروں صوبائی اسمبلیوں کے 855 حلقوں کیلئے 12 کروڑ 79 لاکھ سے زیادہ رجسٹرڈ ووٹرز اپنا حق رائے دہی استعمال کریں گے جبکہ ان انتخابات میں ملک کی انتخابی تاریخ میں سب سے زیادہ امیدوار حصہ لے رہے ہیں جن کی تعداد 17 ہزار  سے زائد ہے جن میں 11 ہزار سے زائد آزاد امیدوار ہیں۔

ملک بھر میں 90 ہزار 675 میں سے 46 ہزار 65 پولنگ اسٹیشنز کو حساس و انتہائی حساس قرار دیا گیا ہے جبکہ شفاف پولنگ کے لیے مختلف شہروں میں مانیٹرنگ سیلز قائم کیے گئے ہیں۔