صدر مملکت کا دہشتگردوں کو منہ توڑ جواب دینے کے عزم کا اعادہ

ویب ڈیسک

17th Mar, 2024. 10:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر مملکت کا دہشتگردوں کو منہ توڑ جواب دینے کے عزم کا اعادہ

صدر مملکت آصف علی زرداری نے دہشت گردوں کو منہ توڑ جواب دینے کے عزم کا اعادہ کیا ہے۔

صدر آصف زرداری نے شمالی وزیرستان کے علاقے میر علی میں شہید ہونے والے لیفٹنٹ کرنل سید کاشف علی اور کیپٹن محمد احمد بدر کے جنازے میں رات کو شرکت کی اور شہداء کو خراج عقیدت پیش کیا۔

اس موقع پر صدر آصف زرداری نے گفتگو کرتے ہوئے کہا کہ پاک فوج ہمیشہ سےایمان، اتحاد اور تنظیم کے نظرئیے پر کاربند ہے، ایمان، اتحاد اور تنظیم کے رہنما اصولوں پر چلتے ہوئے پاک فوج نے دہشت گردی کے خلاف جنگ میں پیشہ وارانہ مہارت اور وفاداری کا بلند معیار قائم رکھا۔

انہوں نے کہا کہ یہ عظیم قربانی ہمارے بہادر بیٹوں کا ایک شاندار ورثہ ہے، ہمارے بہادر سپوتوں نے مادر وطن کے دفاع کے لئے عظیم قربانی پیش کرنے میں کبھی ہچکچاہٹ کا مظاہرہ نہیں کیا، پوری قوم افواج پاکستان کے ساتھ اظہار یکجہتی کرتی ہے۔

صدر مملکت کا کہنا تھا کہ ملک میں دہشت گرد کارروائیاں کرنے والوں کو منہ توڑ جواب دیں گے، دہشت گردوں سے جوانوں کے بہائے گئے خون کا خراج لیں گے۔

آصف علی زرداری نے مزید کہا کہ ہمارے بہادر بھائی، بیٹے اور دوست سرحدوں کی حفاظت کررہے ہیں، وعدہ کرتا ہوں کہ ہمارے بیٹوں کا خون رائیگاں نہیں جائے گا، پاکستان کے عوام اور فوج ایک ساتھ ہیں ، دہشت گردوں کا مقابلہ کریں گے۔