پنجاب کے قلیل المدتی بجٹ کی منظوری لینے کا فیصلہ

افضال عباسی

11th Mar, 2024. 03:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب کے قلیل المدتی بجٹ کی منظوری لینے کا فیصلہ

لاہور: حکومت پنجاب نے قلیل المدتی بجٹ کی اسمبلی سے منظوری لینے کا فیصلہ کرلیا ہے۔

ذرائع کے مطابق وزیر اعلیٰ پنجاب مریم نواز نے محکمہ خزانہ کو قلیل المدتی بجٹ اخراجات کی تیاری کرنے کی ہدایت کر دی۔

ذرائع نے بتایا ہے کہ پنجاب حکومت نے گزشتہ اسمبلی اجلاس میں اکتیس مارچ تک ایک ماہ کے بجٹ اخراجات کی منظوری لی تھی، تاہم آئندہ تین ماہ کے بجٹ اخراجات کی اسمبلی سے اب منظوری لئے جانے کا امکان ہے۔

ذرائع کا کہنا ہے کہ بجٹ کی تیاری مکمل کرنے کے بعد پنجاب اسمبلی کا اجلاس طلب کیا جائے گا، حکومت پنجاب تین ماہ کے تیس جون تک کے بجٹ کی پنجاب اسمبلی سے منظوری لے گی۔

علاوہ ازیں پنجاب اسمبلی کا اجلاس اگلے ہفتے طلب کیے جانے کا امکان ہے، اجلاس میں پنجاب کے تین ماہ بجٹ کیلئے خصوصی رپورٹ وزیر اعلیٰ کو پیش کی جائے گی۔

ذرائع نے مزید بتایا کہ وزیر اعلیٰ اور کابینہ کی منظوری کے بعد وزیر خزانہ پنجاب کا تین ماہ کے بجٹ اخراجات کا تخمینہ پنجاب اسمبلی میں پیش کریں گے۔