وزیر خزانہ اورنگزیب نے آئی ایم ایف کے پاس جانے کیلئے گرین سگنل دے دیا

عمر حیات خان

12th Mar, 2024. 01:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر خزانہ اورنگزیب نے آئی ایم ایف کے پاس جانے کیلئے گرین سگنل دے دیا

اسلام آباد: عالمی مالیاتی فنڈ (آئی ایم ایف) کا پروگرام نئی منتخب حکومت کی اولین معاشی ترجیح ہے، نئے وزیر خزانہ محمد اورنگزیب نے آئی ایم ایف کے پاس جانے کے لیے گرین سگنل دے دیا۔

ذرائع وزارت خزانہ کے مطابق آئی ایم ایف سے مذاکرات 15 مارچ سے شروع ہونے کا امکان ہے، آئی ایم ایف پاکستان کے ساتھ موجودہ اور نئے قرض پروگرام پر بات چیت کرے گا۔

وزارت خزانہ کے ذرائع نے بتایا کہ آئی ایم ایف کے موجودہ قرض پروگرام کی آخری قسط سے متعلق بھی بات چیت کی جائے گی جبکہ موجودہ قرض پروگرام کے لیے پاکستان نے تمام اہداف حاصل کیے ہیں۔

ذرائع کا کہنا ہے کہ موجودہ قرض پروگرام کی آخری قسط میں پاکستان کو 1.1 ارب ڈالر ملنے کا امکان ہے، منتخب نئی حکومت آئی ایم ایف کے ساتھ نئے قرض پروگرام پر بھی بات چیت کرے گی۔

وزارت خزانہ کے ذرائع نے مزید بتایا کہ نیا قرض پروگرام 6 سے 8 ارب ڈالر کا ہو سکتا ہے، نئے پروگرام کے لیے نئے معاشی اہداف پر بات چیت ہوگی جبکہ بجٹ سے ہٹ کر سبسڈی ختم رہے گی۔