کراچی : آئی جی سندھ غلام نبی میمن نے عہدے کا چارج سنبھال لیا ہے۔

وفاقی حکومت کی باقاعدہ منظوری اور نوٹیفیکشن کے اجراء کے بعد پولیس سروس آف پاکستان (PSP) گریڈ 21 کے آفیسر غلام نبی میمن نے پراونشل پولیس آفیسر سندھ/انسپکٹر جنرل آف پولیس سندھ کے عہدے کا چارج سنبھالتے ہوئے محکمانہ امور کا آغاز کردیا ہے۔

سینٹرل پولیس آفس کراچی میں ان کی آمد پر پولیس کے چاک و چوبند دستے نے گارڈ آف آنر و جنرل سلام پیش کیا۔

یادگار شہداء پر پھول رکھے,فاتحہ خوانی کی اور شہدائے پولیس سندھ کے لیئے درجات بلندی کی دعا کی۔

آئی جی سندھ نے سی پی او میں استقبال کے لیئے موجود سینئر افسران سے مصافحہ کیا اور خیریت دریافت کی۔

چینج آف کمانڈ کے بعد آئی جی سندھ علام نبی میمن نے اپنی آمد جبکہ رفعت مختار راجہ نے آئی جی سندھ کا چارج چھوڑنے کے مکتوب پر دستخط کیئے۔

اس موقع پر آئی جی سندھ غلام نبی میمن نے کہاکہ سندھ پولیس کو جدید ٹیکنالوجی سے آراستہ کرنا چاہتے ہیں، پولیس کی استعداد بڑھانے کی کوشش کی جائے گی، کندھ کوٹ، گھوٹکی،کشمورکےڈاکوؤں کےخلاف اقدام کیےجائیں گے، اسٹریٹ کرائم، منیشات کی روک کرنا ہماری ترجیح ہوگی۔