تجربے نہ کریں، یقین ہے ضمیر جاگیں گے، علی امین گنڈاپور

ویب ڈیسک

16th Apr, 2024. 12:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تجربے نہ کریں، یقین ہے ضمیر جاگیں گے، علی امین گنڈاپور

بانی پی ٹی آئی نے ہمیشہ ملک اور اداروں کی بات کی، وزیر اعلیٰ خیبرپختونخواہ

وزیراعلیٰ خیبرپختونخوا علی امین گنڈا پور نے کہا ہے کہ تجربے نہ کریں، یقین ہے ضمیر جاگیں گے۔

وزیراعلیٰ علی امین گنڈا پور نے راولپنڈی میں انسداد دہشت گردی عدالت کے باہر میڈیا سے گفتگو کرتے ہوئے کہا کہ بانی پی ٹی آئی کو جعلی کیسز میں بند کیا گیا ہے، بانی پی ٹی آئی عوام کی حقیقی آزادی کے لیے جدوجہد کرتے رہیں گے۔

انہوں نے کہا کہ ملک میں سب سے بڑا مینڈیٹ پی ٹی آئی کو ملا، پی ٹی آئی سے مینڈیٹ چھین کر فارم 47 والوں کو دیا گیا، تجربے نہ کریں، یقین ہے ضمیر جاگیں گے۔

علی امین گنڈا پور نے کہا کہ جعلی کیسز نظام کو بےنقاب کررہے ہیں، فارم 47 بنانے والے نے اعتراف کیا تو وہ ذہنی مریض بن گیا، جب ضمیر جاگتے ہیں تو کہا جاتا ہے کہ ذہنی مریض ہیں، فارم 47 پر جب غلط کام کیا گیا اس وقت ذہنی مریض نہیں تھے۔

وزیراعلیٰ نے مزید کہا کہ بانی پی ٹی آئی بہت جلد جیل سے باہر ہوں گے، حقیقی آزادی تک بانی پی ٹی آئی کے ساتھ کھڑے رہیں گے، بانی پی ٹی آئی نے بارہا کہا میرے پیچھے ہٹنے سے ملک ترقی کرتا ہے، بانی پی ٹی آئی بہت جلد وزیراعظم ہوں گے۔