وزیراعلیٰ خیبرپختونخوا علی امین گنڈا پور نے کہا ہے کہ تجربے نہ کریں، یقین ہے ضمیر جاگیں گے۔
وزیراعلیٰ علی امین گنڈا پور نے راولپنڈی میں انسداد دہشت گردی عدالت کے باہر میڈیا سے گفتگو کرتے ہوئے کہا کہ بانی پی ٹی آئی کو جعلی کیسز میں بند کیا گیا ہے، بانی پی ٹی آئی عوام کی حقیقی آزادی کے لیے جدوجہد کرتے رہیں گے۔
انہوں نے کہا کہ ملک میں سب سے بڑا مینڈیٹ پی ٹی آئی کو ملا، پی ٹی آئی سے مینڈیٹ چھین کر فارم 47 والوں کو دیا گیا، تجربے نہ کریں، یقین ہے ضمیر جاگیں گے۔
علی امین گنڈا پور نے کہا کہ جعلی کیسز نظام کو بےنقاب کررہے ہیں، فارم 47 بنانے والے نے اعتراف کیا تو وہ ذہنی مریض بن گیا، جب ضمیر جاگتے ہیں تو کہا جاتا ہے کہ ذہنی مریض ہیں، فارم 47 پر جب غلط کام کیا گیا اس وقت ذہنی مریض نہیں تھے۔
وزیراعلیٰ نے مزید کہا کہ بانی پی ٹی آئی بہت جلد جیل سے باہر ہوں گے، حقیقی آزادی تک بانی پی ٹی آئی کے ساتھ کھڑے رہیں گے، بانی پی ٹی آئی نے بارہا کہا میرے پیچھے ہٹنے سے ملک ترقی کرتا ہے، بانی پی ٹی آئی بہت جلد وزیراعظم ہوں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News